La blazono aŭ pli formale ŝtata emblemo de Kataro - arabe شعار قطر - estas uzata ekde 1976.
| Emblemo de Kataro | |
|---|---|
 La emblemo de Kataro | |
| Uzata ekde: | 1976 |
La emblemo montras du krucigitajn blankajn kurbajn glavojn en flava cirklo. Inter la glavoj estas tradicia araba velŝipo sur bluaj kaj blankaj ondoj apud insulo kun du palmarboj. La rondo estas ĉirkaŭita de ronda ringo, kiu estas dividita horizontale. En la blanka sekcio la nomo de la ŝtato Kataro estas skribita en araba kaligrafio kaj en la bruna sekcio, la angla (la sola inter arabaj ŝtatoj) traduko (Ŝtato de Kataro) estas skribita en blankaj gotikaj literoj. La blazono estas iam montrita sen la angla traduko kaj la glavoj estas kelkfoje brunaj (anstataŭ blankaj).
La nuna versio estis enkondukita en 1976 kaj anstataŭigis alian, kiu estis uzata ekde 1966, kaj kiu konsistis el du kurbaj glavoj, perlokonko kaj du palmo-branĉoj kun la surskribo "Kataro".
Pluraj elementoj de la emblemo estas prezentitaj en naciaj emblemoj de pluraj mezorientaj landoj: la tradicia araba kurba glavo ankaŭ bildeblas en la blazonoj de Sauda Arabio kaj Omano; la araba tradicia velŝipo estas en la blazono de Kuvajto kaj la iama blazono de la Unuiĝintaj Arabaj Emirlandoj. La palmo estas ankaŭ nacia simbolo de Sauda Arabio. La koloroj kaj la disiĝo de la ekstera ringo venas de la flago de Kataro.
Vidu ankaŭ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
