Dima Bilan

Dima Bilan, ruse Дима Билан, naskonomo Viktor Nikolajeviĉ Bjelan, ruse Виктор Николаевич Белан (naskiĝis la  24-an de decembro 1981(nun 1981-12-24) en Ustj-Dĵeguta, respubliko Karaĉajio-Ĉerkesio, Rusia Federacio, do nun 42-jara) estas rusa popmuzika kantisto.

Dima Bilan
en la Eŭrovido-Kantokonkurso 2008
Bazaj informoj
Naskonomo	Viktor Nikolajeviĉ Belan
Naskiĝo	24-an de decembro 1981 (1981-12-24) (42-jaraĝa) en Ustj-Dĵeguta
Ĝenroj	pop-muziko • ritmenbluso • sinteza popularmuziko
Profesio	soloa kantisto
Instrumentoj	voĉo, akordiono, piano
Aktivaj jaroj	2003 ĝis nun
Retejo	www.bilandima.ru
Persona informo
Naskonomo	Виктор Николаевич Белан
Lingvoj	rusa
Ŝtataneco	Sovetunio Rusio
Alma mater	Rusa Akademio de Teatraj Artoj Gnessin Russian Academy of Music (en)
Subskribo
Okupo
Okupo	kantaŭtoro poeto modelo komponisto kantisto aktoro
TTT
Retejo	https://bilandima.ru/
v • d • r

La artisto reprezentis Rusion en la Eŭrovido-Kantokonkurso 2006 en Ateno, kie li atingis la 3-an pozicion kaj vaste konatiĝis ekster sia hejmlando, kaj duafoje reprezentis Rusion en la Eŭrovido-Kantokonkurso 2008 en Beogrado, kie li furore atingis la venkan, 1-an pozicion. En la rusia antaŭkonkurso de la Eŭrovido-Kantokonkurso 2012 li plian fojon kandidatis kaj je granda surprizo de la naciaj amaskomunikiloj malvenkis kontraŭ ok maljunulinoj el Udmurtio, la grupo Buranovskije Babuŝki, do "avinetoj el vilaĝo Buranovo", kiuj per kanto profesiece miksita el elementoj folkloraj kaj popmuzikaj ne nur venkis la rusian antaŭkonkurson, sed ankaŭ en la internacia konkurso en Bakuo furoris kaj fine atingis la 2-an pozicion.

Vivo

Kiam Dima Bilan estis unujara, li kaj la aliaj tri familianoj translokiĝis al lia avino en la urbo Nabereĵnije Ĉelni de Tatarstano, kie li vivis ĝis la sesa vivjaro. Poste lia kun sia familio translokiĝis al la urbo Majskij en Kabardio-Balkario, kie li finis la mezlernejajn jarojn. Jam en infana aĝo li estis solisto de la lerneja koruso kaj partoprenis an multaj kantokonkursoj. Lia unua instruistino pri kantado estis Ludmila Ibragimovna Saŝina (Людмила Ибрагимовна Сашина). Post la abituro li studis en la renoma muzika akademio Gnesin en Moskvo.

Inter la jaroj 2005 kaj 2010 li ses fojojn sinsekve ricevis la premion "plej bona rusia artisto" de la muzikaj premiaroj de la televidaj kanaloj MTV Eŭropo kaj MTV Rusio. Post la sukcesa partopreno en la Eŭrovido-Kantokonkurso 2006 sekvis honorigoj de la Monda Muzika Premiaro, angle nomata World Music Awards, kaj pliaj premioj.

Eksteraj ligiloj

• Dima Bilan en la Vikimedia Komunejo (Multrimedaj datumoj)
• Kategorio Dima Bilan en la Vikimedia Komunejo (Multrimedaj datumoj)

• oficiala retejo

PeEnEo: 404288 GND: 136171761 LCCN: n2008012761 VIAF: 73321724 ISNI: 0000000055595233 MBA: 8b86576e-1cf5-46c8-970a-a79d13c2e0f0 BIBSYS: 9049773