Dat du min Leevsten büst ("Ke vi estas mia plej kara") estas la plej konata kanto en malaltgermana lingvo. La aŭtoro de la kanto ne estas konata. La teksto publikiĝis unue en 1845.
La kanto ekzistas en multaj diversaj esperantaj tradukoj. Ties komencaj vortoj tre malsamas, ekzemple:
- Ĉar mi amegas vin (traduko de Ursula Böhringer, nun Ursula Redoulez, en la kantaro "Verda Trobadoro" eldonita de SAT-Junulfako en 1986)
- Kara amato de mi (versio de Kajto, prezentita ekzemple en la UK 2023)
- Vi estas mia kor' (versio de kantaro.ikso.net, prezentita ekzemple de Anta Eņģele en BET 2023)
Teksto de la kanto
[kun simpla, do nepoezia, laŭvorta traduko al Esperanto]
- Dat du min Leevsten büst
- Ke vi estas mia plejkarulo
- dat du wol weest!
- vi tutbone scias.
- (refoje)
- Kum bie de Nacht, Kum bie de Nacht,
- Venu dumnokte, venu dumnokte,
- sech wi du heest.
- diru kiel vi nomiĝas.
- (refoje)
- Kum du üm Middernacht,
- Venu vi meznokte
- kum du Klok een!
- venu je la unua.
- (refoje)
- Vader slöpt, Möder slöpt,
- Paĉjo dormas, panjo dormas,
- ik slaap alleen.
- mi dormas sole.
- (refoje)
- Klop an de Kamerdör,
- Frapu ĉe la ĉambropordo,
- faat an de Klink!
- premu la tenilon!
- (refoje)
- Vader meent, Moder meent,
- Paĉjo pensas, panjo pensas,
- dat deit de Wind.
- ke tion faras la vento.
- (refoje)
Pri la resto de la nokto silentas la kanto..., sed en la esperantaj versioj de Kajto kaj Anta Eņģele, aŭdeblaj kaj videbaj sube, kiuj ankaŭ silentas pri kio okazas en la ĉambro de la knabino, estas kvara strofo de post la nokto.
Eksteraj ligiloj
- Kara amato de mi de Kajto ĉe YouTube
- Vi estas mia kor' de Anta Eņģele ĉe YouTube
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
