Daruma
japana pupo, montranta Bodidarmon, la fondinton de zeno From Wikipedia, the free encyclopedia
japana pupo, montranta Bodidarmon, la fondinton de zeno From Wikipedia, the free encyclopedia
Daruma (japane: 達磨, Bodhidharma) estas unu el la plej ŝatataj bonŝancohelpiloj en Japanio.
Ĝi estas el papermaĉaĵo kaj estas pezigita de pezilo por ke ĝi ne falu (vidu: staremulo). Tiel ĝi kuraĝigas starigon en ĉia situo. Oni ofte vendas ilin en budhismaj temploj. Sur daruma troviĝas japana skribosigno signifanta bonŝanco aŭ sukceso.
La figuro prezentas budhisman monaĥon kaj faman instruiston de la zen-budhismo, (Bodhidharmo). La figuro havas nek brakojn nek krurojn, ĉar la monaĥo laŭdire sidis medite dum 9 jaroj antaŭ rokmuro por atingi lumiĝon (io simila al Nirvano). Ĉar sidante medite brakoj kaj kruroj ne necesas, ili ne estas aldonita al la figuro. La monaĥo regis ŝajne ankaŭ jogon kaj diversajn luktoartojn kaj estis fondinto de la Ŝaolin-batalarto. Laŭ la legendo, Darumo endormiĝis dum la meditado, vekinte li tiom ĉagrenis pri tiu disciplinmanko, ke li fortranĉis siajn palpebrojn, tial la figuro havas grandegajn okulojn.
Daruma estas helpanto por realigi dezirojn. Unue oni kolorigas unu okulon. Viroj kolorigas la maldekstran okulon, virinoj la dekstran. La bonŝancohelpilo estu en iu loko, kie oni pasas ĉiutage. Kiam la deziro realiĝis oni kolorigas la alian okulon. Poste la figuro estos bruligita en templo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
