ChromeOS

ChromeOS, antaŭe Chrome OS, estas libera operaciumo bazita sur Linukso projektita de Google (esperante ofte Guglo) por labori ekskluzive per interretaj programoj. Anoncita la 7-an de julio 2009, la fontkodo de la prova (beta-) versio estis publikigita la 19-an de novembro 2009, kaj Chrome havis publikan prezentadon de stabila versio en decembro 2010. La interfaco de uzanto estas simpla, simila al tiu de foliumilo Chrome. ChromeOS ne disponeblas por elŝuti por instalado, anstataŭ tio, la operaciumo venas en specifa aparato kreita de partneroj de Google. La foliumilo estas la unika programo lokigita en aparato, ĉar Google ChromeOS estas destinita al uzantoj kiuj dum granda parto de sia komputila tempo konektatas al interreto.

ChromeOS
distribuaĵo de GNUo/Linukso
Evoluiganto:	Google
Familio:	Linukso
Fonta kodo:	Malfermita kodo
Kernotipo:	Linukso
Licenco:	ĉefe GPL
Subteno:	aktiva
Retpaĝo:	http://chromium.org
v • d • r

Esperanto-agordo en ChromeOS

Ĝis nun ne ekzistas traduko en Esperanto de ChromeOS kvankam ekzistas diskuto.^[1]

Tamen eblas skribi specialajn esperantajn supersignojn. Oni instalu la francan klavaron kaj la "US International Keyboard":^[2]

• ĉ : ^ , c
• ĝ : ^ , g
• ĥ : ^ , h
• ĵ : ^ , j
• ŝ : ^ , s
• ŭ : AltGr+Shift+( , u