Bohousová

Bohousová (germane Bouschow) estas vilaĝo en distrikto Ústí nad Orlicí en Regiono Pardubice, Ĉeĥio. La vilaĝeto estas parto de municipo Záchlumí. Vivas ĉi tie 152 loĝantoj (2021). Kondukas ĉi tie fervojlinio Týniště nad Orlicí - Letohrad.

Bohousová
germane Bouschow
vilaĝo
Ligna sonorilturo
Oficiala nomo: Bohousová
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Záchlumí
Historia regiono	Bohemio
Montaro	Suborlica montetaro
Domoj	70
Rivero	Divoká Orlice
Situo	Bohousová
- koordinatoj	50° 05′ 12″ N 16° 23′ 05″ O (mapo)
Katastro	4,98 km² (498 ha) Bohousová
Loĝantaro	152 (2021)
Denseco	30,52 loĝ./km²
Unua skribmencio	1543
Horzono	MET (UTC+1)
- somera tempo	MET (UTC+2)
Poŝtkodo	561 86
Situo enkadre de Ĉeĥio Situo enkadre de Ĉeĥio
Vikimedia Komunejo: Bohousová
Portalo pri Ĉeĥio

Mito

Estas legendo, ke Bohousová ekestis en la jaroj 1469-1470 post batalo inter reĝo Georgo el Poděbrady, ĉeĥaj batalantoj el Litice kaj hungara militistaro. Ĉeĥoj venkis kaj kun ĝojkriado "Bohu sláva" (Gloro al Dio) revenadis al burgo Litice. Poste estis fondita vilaĝo, kiun oni alnomis "Bohu-slava - Bohusová - Bohousová". Alia versio estas, ke la vilaĝon oni alnomis laŭ Bohuš, posedanto de la sinjorejo Žampach "Bohušová - Bohusová - Bohousová".

Origine estas Bohousová rememorata en la jaro 1514, kiel apartenaĵo de la sinjorejo Žampach. Pli malfrue aĉetis ĝin Karel pli aĝa el Žerotín kaj alligis ĝin al la sinjorejo Brandýs. Al tiu ĝi apartenis ĝis nuligo de patrimonia reĝimo en la jaro 1849. De ĉiam oni en Bohousová ne faris servutajn laborojn, anstataŭ tio oni nur pagis tributojn. Loĝantoj de la vilaĝo vivtenis sin per agrikulturado, kiel ministoj en ŝtonminejoj en Litice kaj multaj per plektado de puntoj.

En Bohousová naskiĝis en la jaro 1829 ĉeĥa verkisto kaj poeto Alois Potěhník, paroĥestro en Častolovice.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	321
1880	365
1890	385
1900	373
1910	353
1921	331

Jaro	Loĝantoj
1930	324
1950	221
1961	234
1970	201
1980	183
1991	192

Jaro	Loĝantoj
2001	168
2011	161
2021	152

Memorindaĵoj

Kampanileto

En Bohousová estis jam en la jaro 1770 atestita ligna kampanilo, seslatera. Apud ĝi estis en la jaro 1816 starigita monumento al finiĝo de napoleonaj militoj kaj en 1848 estis enplantitaj tri tilioj, kiuj ĉi tie estas ankoraŭ nuntempe. En la regiono estas kutimo, ke kampanilojn konstruis la komunumoj kaj tiuj ankaŭ zorgas pri bontenado de ili. La origina sonorilo estis konfiskita en la unua mondmilito. La nova sonorilo estis aĉetita tuj post la milito. Bedaŭrinde ankaŭ tiun konfiskis germanoj en la jaro 1942. La kampanilo estis riparita per volontula laboro en la jaro 1982 kaj ankaŭ nova sonorilo estis prizorgita.

Statuoj

• Statuo de Madono estas el la jaro 1830.
• Ŝtona krucifikso devenas el la jaro 1816.