Bakony

Bakony [bakonj] estas mezalta montaro en Hungario en Transdanubio. Plejparto de la montaro troviĝas en departemento Veszprém.

Montaro Bakony

Valo Cuha, kiu estas pitoreska parto de Bakony

Situo de Bakony en Hungario

Bazaj informoj

• Areo: 4000 km²
• Plej altaj montoj: Kőris-monto 709 m, Kék-monto 661 m, Som-monto 649 m, Meza-Hajag 646 m, Papod 644 m
• Rokaĵoj: karsto aŭ sedimentaj rokaĵoj, kalkŝtono, dolomito, marno, sude iom da vulkana bazalto

Ofte oni aldonas la montojn ĉe Keszthely kaj norda Balatono al Bakony, kie menciindaj eksvulkanoj estas Badacsony kaj Tihany.

Granda parto de la montaro naskiĝis dum la triaso kaj ĵurasio. Poste pro abrazio malaperis la tranĉaj montoj, restis nur mildaj deklivoj.

Sur pinto de Kab-monto (599 m) televizia dissenda antenoturo funkcias, kiu provizas la tutan nordan Transdanubion. Ĉe la Balatono oni kultivas vinberojn. Longe oni minadis en Bakony baŭksiton, manganon, karbon kaj kalkŝtonon.

Plej grandaj urboj en la montaro estas Veszprém, Ajka kaj Zirc.

• Kategorio Bakony en la Vikimedia Komunejo (Multrimedaj datumoj)

PeEnEo: 298560 GND: 4004293-5 LCCN: sh85011097 VIAF: 248944851