Adolf Farkas

Adolf FARKAS, alinome paŝao Osman (1823 en Moravio - 29-an de majo 1898, proksime al Konstantinopolo, memmortigo) estis komence adjutanto de Jozefo Bem, poste turka paŝao. Li translokiĝis kun siaj gepatroj fruaĝe al Hungario kaj estis inter la unuaj kiuj anoncis sin pro la revolucio de 1848.

Adolf Farkas
Persona informo
Naskiĝo	30-an de novembro 1822 (1822-11-30)
Morto	29-an de majo 1898 (1898-05-29) (75-jaraĝa)
Familio
Infano	Nigâr Hanım (en)
Okupo
Okupo	edukisto (1870–) soldato (1848–1898)
v • d • r

Li partoprenis en 1849 en batalo de Vöröstorony, poste iĝis komandanto de Szamosújvár. En batalo apud Mehádia, li kontraŭstaris taĉmentojn de Mertens kaj tiel helpis rifuĝintojn transigi la Danubon. Sekvatage ankaŭ li fuĝis al Turkio, kie li soldatservis kiel kapitano en la turka armeo. Li surprenis la islaman kredon kaj nomon Osman.

En 1853, li batalis kiel majoro kaj kiel adjutanto de Omar-paŝao kontraŭ la rusoj. Pli poste oni sendis lin al Krimeo, kie li agadis en stabo de lordo Raglan, angla ĉefkomandanto.

Oni nomumis lin en 1870 instruisto de militara akademio en Konstantinopolo. Li lastfoje instruis kiel generalo.

Lia filino estis Nigjar Hanym, turka poetino (1862-?). Ŝi frue edziniĝis kaj baldaŭ trompiĝis en la feliĉo kaj verkis poemojn pri siaj korproblemoj. Ŝi eldonis du poemarojn kun nomo Afsus'.