Adolf Bartošík
ĉeĥa esperantisto From Wikipedia, the free encyclopedia
Adolf aŭ Dolfa BARTOŠÍK (naskiĝis la 1-an de majo 1907 en Boršice, mortis la 3-an de februaro 1989 en Prago) estis ĉeĥa esperantisto.
| Adolf Bartošík | |
|---|---|
| Persona informo | |
| Naskiĝo | 1-an de majo 1907 en Boršice |
| Morto | 3-an de februaro 1989 (81-jaraĝa) en Prago |
| Lingvoj | Esperanto • ĉeĥa |
| Ŝtataneco | Ĉeĥoslovakio  |
| Okupo | |
| Okupo | esperantisto (1926–) instruisto grafikartisto vidartisto |
Laŭprofesie faka instruisto-logopedo, hobie filatelisto (orumita medalo Nikolao Kopernik, redaktoro de esperantista rubriko en filatelista bulteno) kaj grafikisto (portreto de Zamenhof, stampoj de ĉeĥoslovaka kampa poŝto en Britio dum la II-a mondmilito).
Li esperantistiĝis en 1926. Dum postaj jaroj li fariĝis fondinto de la Slovaka Esperanto-Klubo en Uherské Hradiště, gvidanto de programoj de la Esperanto-klubo de Prago. Sian unuan varbadon pri esperanto li okazigis en Kroměříž inter gestudantoj, kun rezulto de 2 kursoj en YMCA. Inter la mondmilitoj li instruis Esperanton Ĉe-metode en Jugoslavio kaj Nederlando, kie li trovis esperantistan edzinon Ine Woudstra. Li havis filon Karel Bartošík, naskiĝintan en 1942 en Britio.
Aliaj meritoj de Adolf Bartošík inkluzivas la sekvajn:
- Gvidis Cseh-metodajn kursojn.
- Publikaj prelegoj en eksterlando.
- Kunlaboranto de Ligilo.
- Honora membro de Ĉeĥa Esperanto-Asocio kaj multjara membro de UEA, en Prago.
Pro siaj artaj kapabloj li famiĝis inter la esperantistoj kiel talenta grafikisto (1-a premio 1956 ĉe la 41-a UK), kaj krome li postlasis unikan esperanto-filatelan kolekton, kiu gajnis por li 32 distingojn kaj medalojn. En 1979 li estis nomita honora membro de Ĉeĥa Esperanto-Asocio.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
