Aŭtomobila industrio

La aŭtomobila industrio aŭ aŭtindustrio estas industrio kiu konsistas en ampleksa gamo de kompanioj kaj organizaĵoj kiuj partoprenas en la desegno, dezajno, disvolvigo, fabrikado, surmerkatigo, kaj vendado de motorvehikloj.^[1] Ĝi estas unu el la plej grandaj ekonomiaj sektoroj de la mondo laŭ enspezo. La aŭtindustrio ne inkludas industriojn dediĉitajn al bontenado de aŭtoj post la liverado al la fina konsumanto, kiel aŭtoriparejoj kaj benzinejoj.

Moderna aŭtofabriko.

La fabrikado de aŭtomobiloj postulas grandan homan kaj financan kapitalon. Depende de la tipo de vehiklo, de la kvanto de unuoj fabrikendaj ĉiutage kaj la loko de la fabriko, la grado de aŭtomatigo povas varii konsiderinde. Se la produktotaj unuoj estas malmultaj, eblas la manfara produktado en ateliero (kio foje okazas por individuigitaj laŭmende unuoj), ĉar la investado por linio de muntado ne estas financebla. Same, en landoj kun malgranda laborkosto la grado de aŭtomatigo kutime estas pli malgranda kaj multaj taskoprocezoj estas faritaj mane. Ĉiuokaze, ĝenerale oni povas aserti, ke la grado de aŭtomatigo estas alta kaj pli kaj pli disvastigita ĉie ajn.

Fabrikantoj

Tiu estas listo de la 15 plej grandaj fabrikantoj en 2016.^[2]

Rango	Grupo	Lando	Vehikloj
1	Volkswagen Group	Germanio	10,405,092 [3]
2	Toyota	Japanio	10,213,486
3	Hyundai	Suda Koreio	7,889,538
4	General Motors	Usono	7,793,066
5	Ford	Usono	6,429,485
6	Nissan	Japanio	5,556,241
7	Honda	Japanio	4,999,266
8	Fiat Chrysler Automobiles	Italio/Usono	4,681,457
9	Renault	Francio	3,373,278
10	PSA	Francio	3,152,787
11	Suzuki	Japanio	2,945,295
12	SAIC	Ĉinio	2,566,793
13	Daimler	Germanio	2,526,450
14	BMW	Germanio	2,359,756
15	Changan	Ĉinio	1,715,871

Vidu ankaŭ

• Aŭtofabrikado
• Internacia Organizaĵo de Fabrikantoj de Aŭtomobiloj