Česká Ves

Česká Ves (en traduko Ĉeĥa Vilaĝo) estas vilaĝo en Ĉeĥio situanta en norda cismontaro de montaro Hrubý Jeseník, en valo de rivereto Bělá. La suda parto de la vilaĝo rekte ligas al distrikta urbo Jeseník, norde ĝi malproksimas de ŝtatlimo kun Pollando 13 km. La valo estas borderita de arbarkovritaj montetoj, kiu nordokcidente apartenas al terlangoj de montaro Riĥleba montaro. Vivas ĉi tie 2 336 loĝantoj (2024).

Tiu ĉi artikolo temas pri municipo en distrikto Jeseník. Pluaj signifoj estas indikitaj en paĝo Česká Ves (apartigilo).

Česká Ves
germane Böhmischdorf, pole Czeska Wieś
municipo
Vido el belvedero sur Zlatý Chlum al Česká Ves
Flago Blazono
Oficiala nomo: Česká Ves
Ŝtato	Ĉeĥio
Regiono	Regiono Olomouc
Distrikto	Distrikto Jeseník
Administra municipo	Jeseník
Historiaj regionoj	Ĉeĥa Silezio, Sudetio
Montaro	Riĥleba montaro
Rokaro	Čertovy Kameny
Riveroj	Bělá, Vidnavka
Situo	Česká Ves
- alteco	399 m s. m.
- koordinatoj	50° 15′ 18″ N 17° 12′ 47″ O (mapo)
Plej alta punkto	Studniční vrch
- alteco	992 m s. m.
Katastro	24,51 km² (2 451 ha) Česká Ves
Loĝantaro	2 336 (2024)
Denseco	95,31 loĝ./km²
Unua skribmencio	1416
Horzono	MET (UTC+1)
- somera tempo	MET (UTC+2)
Poŝtkodo	790 81
NUTS 3	CZ071
NUTS 4	CZ0711
NUTS 5	CZ0711 569356
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Česká Ves
Retpaĝo: www.cves.cz
Portalo pri Ĉeĥio

La najbaraj municipoj de la setlejo estas Písečná, Lipová-lázně, Vápenná, Stará Červená Voda, Mikulovice, Jeseník kaj Supíkovice.

Historio

La unuaj spuroj de loĝigo de la valo de rivero Bělá, norde de Jeseník, kie etendiĝas la hodiaŭa Česká Ves, tuŝas ĝis la 6-a jarcento. La vilaĝanoj estis anoj de slavaj triboj, vivantaj en teritorioj de suda Pollando. Skribmencioj pri vilaĝo kun nomo Waltherowici devenas el la jaro 1284, kiam estiĝis La fundamenta dokumento de vroclava episkopujo. La hodiaŭa nomo de la vilaĝo aperas nur en la jaro 1410.

La nomo havas sian devenon verŝajne laŭ ministoj (evidente el Kutná Hora), kiujn invitis por mini ferercon kaj oron sur montopiedo de monteto Zlatý chlum ĉirkaŭ la jaro 1350 Hynek Muščín, tiama posedanto de la vilaĝo. Tiutempe jam la loĝantaro estis tute germangita de germanaj koloniistoj. La vilaĝo en la historio ne evitis al vico de katastrofoj. Tre difektis ĝin militmarŝoj de la tridekjara milito kunigita kun rabado, epidemio de pesto en 1627 kaj fine ankaŭ triste famaj sorĉistinaj procesoj, en kiuj estis ŝtiparumitaj 16 virinoj kaj 1 infano - plej multe el la vilaĝoj de regiono de Jeseník. Nur kun rompo de la 18-a jarcento ĝi notas pli bonajn tempojn. En 1804 vizitas lokan lernejon 140 infanoj. En la vilaĝo estas renovigita preĝejo, laboras muelejo kaj aliaj. Federacia fabriko ŝanĝiĝas en 1894 en akcian kompanion por produktado de fera varo - la hodiaŭa Ĉenfabriko.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	2 170
1880	2 218
1890	2 297
1900	2 446
1910	2 434
1921	2 560

Jaro	Loĝantoj
1930	2 693
1950	1 511
1961	1 562
1970	1 437
1980	1 972
1991	2 277

Jaro	Loĝantoj
2001	2 485
2014	2 441
2016	2 407
2017	2 392
2018	2 429
2019	2 416

Jaro	Loĝantoj
2020	2 393
2021	2 332
2022	2 397
2023	2 369
2024	2 336

Naskiĝintoj

Naskiĝintoj el Česká Ves ankaŭ meritis pri jeseníkaj banlokaj aferoj. En la jaro 1798 en la vilaĝo naskiĝis Johann Schroth (lia naskodomo ĉi tie senĉese staras), fondinto de banloko en Lipová-lázně. En la 1814 loka kamparano, Vincenz Priessnitz komencis okupiĝi per kuracado de malsanoj per akvo el arbaraj fontoj. Banloko Gräfenberg nome apartenis en katastron de Česká Ves.

Pluaj fotoj

• 
  Preĝejo de sankta Jozefo el la jaro 1928
• 
  Kolono kun statuo de Virgulino Maria
• 
  Ponto tras rivero Bělá
• 
  Municipa ofico