Ĉeĥov-muzeo en Meliĥovo
From Wikipedia, the free encyclopedia
From Wikipedia, the free encyclopedia
Ĉeĥov-muzeo en Meliĥovo (ruse Государственный литературно-мемориальный музей-заповедник А. П. Чехова в Мелихово) situas proksime de Ĉeĥov urbo, Moskva provinco, Rusio. Ĝia inaŭguro okazis la 29-an de junio 1944, danke al multaj klopodoj de gefratoj de la granda rusa verkisto Anton Pavloviĉ Ĉeĥov.
| Ĉeĥov-muzeo en Meliĥovo | |||||
|---|---|---|---|---|---|
 | |||||
| |||||
| Koordinatoj | 55° 6′ 55″ N, 37° 38′ 55″ O (mapo)55.1153737.64854 | ||||
| Estiĝo | 1940 | ||||
|
|||||
 |
|||||
| Ĉeĥov-muzeo en Meliĥovo | |||||
 Vikimedia Komunejo: Melikhovo [+] |
|||||
| En TTT: Oficiala retejo [+] | |||||
![](#/media/Dosiero:Усадьба_"Мелихово"_1.JPG)
En 1892 reveninte al Moskvo post sia vojaĝo en Saĥaleno insulon Anton Ĉeĥov tre bezonis akiri oportunan loĝejon taŭgan por lia karaca praktiko kaj literatura verkado. Li sukcesis aĉeti vilaon kun vasta areo en
apudmoskva distrikto Lopasnja. Samjare li tien venis kune kun siaj gepatroj kaj gefratoj.
La bieno estis tute nearanĝita, tial oni multe konstruis novajn kabanojn, deponejojn, banejojn ktp. Ĉeĥov, kiel bienmastro kaj kuracisto, establis du ambulatoriojn kaj kvin separajn barakojn por ĥolermalsanuloj (tiam en Rusio okazis ĥolera epidemio). Krom du ĉiusemajnaj tagoj, kiam Ĉeĥov diagnozis pacientojn, li vizitis gemalsanulojn loĝantajn malproksime, kiuj ne povis pro sia malbona farto alveni en ambulatorion. Lian laborkampon konsistigis 26 vilaĝoj kun kelkaj miloj da loĝantoj. En Meliĥovo mem kaj ĉirkaŭe malriĉaj kamparanoj ricevis liajn senpagajn kuracan helpon, medikamentojn kaj eĉ monon.
Multajn liajn fortojn deprenis filantropa agado: konstruado de tri lernejoj kun aĉeto de necesaj materialoj, aperigo kaj riparo de vojoj, konstruado de poŝtejo kun telegrafa aparato (tio estis raraĵo por tiama epoko) kaj fajrodeponejo, restaŭrado de loka preĝejo ktp.
Afableco kaj gastameco de la bienmastro estis tiel grandaj, ke iufoje oni devis aranĝi kromajn litojn por multenombraj vizitantoj. Ofte alvenis liaj amikoj: teatra reĝisoro Vladimir Nemiroviĉ-Danĉenko, raportisto Vladimir Giljarovskij, eldonisto Aleksej Suvorin, pentristoj Isako Levitan kaj Iosif Braz (lia portreto de Anton Ĉeĥov pentrita en 1898 troviĝas nun en Tretjakova galerio en Moskvo) k.a.
Anton Pavloviĉ mem loĝis en aparta malgranda alo, kies pacaj kaj kvietaj kondiĉoj taŭgis por verkado. Dum sep jaroj de lia loĝado en Meliĥovo aperis ĉ. liaj 40 verkoj, inter kiuj:
Nun funkcianta Ĉeĥov-muzeo konsistas el tri eksponejoj:
Kvanto de eksponaĵoj kalkulas ĉ. 28 000.00 ekzempleroj, kiuj troviĝas en enaj eksponejoj, kies areo egalas 336.00 m2, en malkovritaj deponejoj (188.00 m2) kaj eksteraj parkoj (6.00 hektaroj). En la muzeo laboras 135 specialistoj, kiuj ĉiujare prezentas tieajn eksponaĵojn al 80 000.00 vizitantoj.
En la muzeo ofte okazas literaturaj kunsidoj kaj teatraĵoj, ekskursioj tra la parko, kie oni povas kvazaŭ profundiĝi en tiaman medion kontribuantan al Anton Ĉeĥov verki.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
