La Zoo am Meer ("zoologi-parko ĉe l' mar'") situas en Bremerhaven, Germanujo, rekte ĉe la Vezer-digo proksime al la Leuchtturm Bremerhaven ("lumturo Bremerhaven") ĉe Neuer Hafen ("nova haveno") kaj estas temhava zoologi-parko kun specialiĝo je bestospecoj vivantaj en akvo kaj nordaj.
| Zoo am Meer Bremerhaven | |||
| bestoĝardeno | |||
|---|---|---|---|
| Organizaj aferoj | |||
| Akreditiĝoj/ Membrecoj |
WAZA, EAZA, VDZ, ISIS, Sphenisco e.V., WCF, yaqu pacha | ||
| Geografio | |||
| Ŝtato |  Germanio | ||
| Situo | Bremerhaven | ||
| Areo | 11.800 m² | ||
| Geografia situo | 53° 32′ 41″ N, 8° 34′ 13″ O (mapo)53.5447222222228.5702777777778 | ||
| |||
|
| |||
| Statistiko | |||
| Ceteraj informoj | |||
| Retpaĝo | http://www.zoo-am-meer-bremerhaven.de | ||
Tiu zoologi-parko estas la plej malgranda publika de Germanujo kaj estas aranĝita precipe por familioj kun junaj infanoj. La nombro de bestospecoj estas intence limigita cele al bona superrigardo. Aldone al la marbestoj estis akceptitaj en la specgamon pliaj, por infanoj interesaj bestospecoj, kiel ĉimpanzoj, pumoj kaj la scivolemaj keoj. En la centro estas granda ludejo kun piratŝipo por grimpi kaj karesbestoj. La zoologi-parka butiko ofertas multon, kion la infanoj deziras, por ekscii ankoraŭ pli pri bestoj. Specialaĵo estas la elvidplatformo. Ĝi ebligas vidon al la Vezer-buŝo kaj observadon de la pasantaj ŝipoj. La vizitanto povas ne sole okupiĝi pri la marbestoj, sed ankaŭ rigardi al ties vivmedio. Tial konvenas la nomo de tiu zoologi-parko.
En 1912/13 estis aranĝita en la kel-etaĝo de la plaĝ-halo ĉe la Vezer-digo Nord-Mar-akvario de 30 montro-kuvoj. Tie la 24-an de junio 1928 estis inaŭguritaj la "Tiergrotten" ("bestgrotoj"). Norde la plaĝ-halo en la eksterdiga tereno estis aranĝita la zoologi-parko kun ĉirkaŭbaraĵoj, birdejoj, varmecdomoj, akvobasenoj kaj mar-akvaj akvarioj. Post rekonstruado en 1976 sekvis en 2000 portempa ĉesigo por novplanado de la tuta parko. Kun la nova nomo "Zoo am Meer" estis inaŭgurita la 27-an de marto 2004 parko, kiu montras bestojn en naturproksima ĉirkaŭaĵo. Enfokusigataj estas plu marbestoj, tamen el ili nur malmultaj fiŝoj kaj krustuloj.
Vastaj ĉirkaŭbaraĵoj (sen kradbariloj) kaj akvobasenoj ebligas observadon de la bestoj kaj en akvo kaj surtere. La stoko ampleksas ĉirkaŭ 280 bestojn de 47 specoj, inter ili blankajn ursojn, nordajn sulojn, fokojn kaj la pro formortado minacatajn Humboldt-pingvenojn, pri kies plua bredado oni klopode okupiĝas en la zoologi-parko.
Enirejo, en la fono: Leuchtturm Bremerhaven ("lumturo Bremerhaven")
Enirejo, deproksima foto
Vidi de supre
Manĝigado de marleonoj
Humboldt-pingvenoj
Nordaj suloj
Blanka urso Lloyd
- Herbert Schwarzwälder: Das Große Bremen-Lexikon. Edition Temmen, 2003, ISBN 3-86108-693-X
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
