Vrbatův Kostelec

Municipo Vrbatův Kostelec situas en Ĉeĥio, regiono Pardubice, distrikto Chrudim, en valo de rivereto Žejbro, 4 km okcidente de urbo Skuteč kaj 11 km oriente de urbo Nasavrky, ĉe ŝoseo n-ro 337 inter Nasavrky kaj Skuteč. Vivas ĉi tie 370 loĝantoj (2024).

Vrbatův Kostelec
municipo
Vrbatův Kostelec el ŝoseo el domaro Hlína
Flago Blazono
Oficiala nomo: Vrbatův Kostelec
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Skuteč
Historia regiono	Bohemio
Montaro	Svitava montetaro, Fera montaro
Rivero	Žejbro
Situo	Vrbatův Kostelec
- alteco	408 m s. m.
- koordinatoj	49° 51′ 14″ N 15° 56′ 28″ O (mapo)
Areo	5,44 km² (544 ha)
Loĝantaro	370 (2024)
Denseco	68,01 loĝ./km²
Unua skribmencio	1073
Horzono	MET (UTC+1)
- somera tempo	MET (UTC+2)
Poŝtkodo	538 51 ĝis 539 73
NUTS 3	CZ053
NUTS 4	CZ0531
NUTS 5	CZ0531 572535
Katastraj teritorioj	2
Partoj de municipo	4
Bazaj setlejunuoj	4
Situo enkadre de Ĉeĥio Situo enkadre de Ĉeĥio
Vikimedia Komunejo: Vrbatův Kostelec
Retpaĝo: www.vrbatuvkostelec.cz
Portalo pri Ĉeĥio

La najbaraj municipoj de la setlejo estas Horka, Prosetín, Chrast, Miřetice, Leštinka kaj Tisovec.

Historio

Vilaĝo Vrbatův Kostelec apartenis al monaĥejo Podlažice. La unua skriba mencio pri ĝi estas verŝajne el la jaro 1073 kaj la preĝejo estas menciita jam en la jaro 1186. En pasinteco oni provadis en ĉirkaŭaĵo mini kretacean karbon.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	658
1880	648
1890	597
1900	689
1910	758
1921	754

Jaro	Loĝantoj
1930	877
1950	658
1961	623
1970	513
1980	480
1991	407

Jaro	Loĝantoj
2001	349
2014	343
2016	340
2017	349
2018	345
2019	346

Jaro	Loĝantoj
2020	349
2021	354
2022	370
2023	364
2024	370

Partoj de municipo

• Vrbatův Kostelec
• Cejřov
• Habroveč
• Louka

Vidindaĵoj

Naturaĵoj

Sude de Vrbatův Kostelec, direkte al Kvasín ni povas vidi tiel nomatajn kriptojn, disigitajn ŝtonegojn, karakterizaj por regiono de Skuteč.

Proksime de fervoja linio el Chrudim al Hlinsko troviĝas malprofunda groto "Partyzánka", en kiu dum la dua mondmilito kaŝadis sin partizanoj. En deklivo de monto Kostelecká hůra estis ankoraŭ du grotoj, Drábka kaj Čertova, sed tiuj jam neniiĝis.

Preĝejo

Preĝejo de Sankta Gallus estas ununava, kun kvinlatere fermita gotika presbiterejo konstruita ĉirkaŭ la jaro 1300, kun sakristio flanke de ĝi kaj turo en la okcidenta frontono. La presbiterejo estas radiece volbita, triumfa arko estas milde pinta, neprofilita, sur ambaŭ flankoj milde hakita. En la navo estas plata plafono sur fabiono. Ankaŭ sakristio estas platplafona, la subturejo estas kreste volbita. Sur ĉefaltaro estas bildo de F. Müller el la jaroj 1899, bildoj de Krucumado kaj de Sankta Francisko Ksaviero estas el tempo post la jaro 1700. En preĝeja ekipaĵo estas renesanca ŝtona aspergujo kaj gotika kaliko el la 15-a jarcento, verŝajne donaco de ministoj el Včelákov. En legendo oni asertas, ke en ĉirkaŭaĵo de Vrbatův Kostelec estas enfositaj diservaj iloj el monaĥejo de Podlažice.

Kapelo en Habroveč

Kapelo de Sankta Maria devenas el la jaroj 1800 - 1820. Ĝi estas oblongforma, ortangule fermita, membriĝita per lizenaj kadroj, barele volbita, en la fronto estas triangula frontono. Sur la altaro estas bildo de J. Papáček el Chrudim.

Kruckolono

Kampa kruckolono situas ĉe vojkruciĝo al domaro Hlína.

Metala skulpturo

Apud la preĝejo sur vilaĝplaco troviĝas metala skulpturo kreita de loka forĝisto el feraj elementoj de agrokulturistaj maŝinoj.

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Militista pietloko ĉeĥe