Vozka (Hrubý Jeseník)

Vozka (1377 m), (esperante: Koĉero) estas monto en Ĉeĥio. Kun supermara alteco 1377  m s. m. temas pri la oka plej alta monto de montaro Hrubý Jeseník kaj la dua plej alta en ties subtutaĵo, montetaro Keprnická hornatina.

Vozka
esperante: Koĉero
monto
Vido al montopinto de Vozka el monto Červená hora
Oficiala nomo: Vozka
Ŝtato	Ĉeĥio
Regiono	Regiono Olomouc
Distrikto	Distrikto Šumperk
Historia regiono	Silezio
Montaro	Hrubý Jeseník
Akvejo	Moravo
Situo	Vozka
- alteco	1 377 m s. m.
- koordinatoj	50° 09′ 11″ N 17° 06′ 30″ O (mapo)
Plej facila aliro	el Branná
Horzono	MET (UTC+1)
- somera tempo	MET (UTC+2)
Situo enkadre de Ĉeĥio Situo enkadre de Ĉeĥio
Situo enkadre de Sudetoj Situo enkadre de Sudetoj
Vikimedia Komunejo: Vozka (Hrubý Jeseník)
Portalo pri Ĉeĥio

Skistaj rokoj sur pinto de Vozka

Geologio

Superantaj mineraloj estas gnejsoj kaj skistoj. Turisme kaj nature interesaj estas 7 m altaj skistaj atestrokoj sur la pinto, en kiuj troviĝas abundaj kreskitaĵoj de mineralo staŭrolito.

Akvaro

Vozka troviĝas sur sudokcidenta flanko de la ĉefa jesenika montodorso, iliaj deklivoj estas deakvigataj de riveroj Hučivá Desná, Žlební potok kaj Hučavá ĝis Moravo.

Protekto de la naturo

Vozka estas parto de PPR Jeseníky kaj NNR Šerák-Keprník.

La pinto de Vozka estas kovrita de maldensa picearo, en altecoj 1310–1340 m troviĝas torfejo.

Turismo

Alveno al la pinto estas el la ĉefa montodorso sur flava marko el Trojmezí aŭ verda el selo Pod Vřesovkou el valo kiel sur la flava aŭ verda markoj el Branná.

De sur la pintaj rokoj estas ronda belvido tra la tuta Hrubý Jeseník, dum bona videbleco eblas ekvidi eĉ Karkonoŝon, Beskidojn aŭ Tatrojn.

Mito

Laŭ mito la estiĝon de la pintaj rokoj oni klarigas tiel, ke tra ĉi tiea torfejo estis veturanta koĉero kun ŝarĝo de pano; sed li enfalis en la torfejon kaj por ke li elveturu el la torfejo, li submetis radojn per panoj. Pro tio trafis lin puno kaj sur la pinto de monto li ŝtoniĝis eĉ kun sia veturilo.

Rilataj temoj

• Vřesová studánka