Urbanice (distrikto Pardubice)

Municipo Urbanice situas en Ĉeĥio, regiono Pardubice, distrikto Pardubice, sur norda rando de Fera montaro 8 km sude de urbo Přelouč, ĉe ŝoseo inter Přelouč kaj Turkovice. Vivas ĉi tie 65 loĝantoj (2024).

Por aliaj signifoj, bv. rigardi la apartigilan paĝon: Urbanice

Urbanice
municipo
Municipa ofico
Flago Blazono
Oficiala nomo: Urbanice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Přelouč
Historia regiono	Bohemio
Montaro	Fera montaro
Situo	Urbanice
- alteco	295 m s. m.
- koordinatoj	49° 58′ 22″ N 15° 34′ 00″ O (mapo)
Katastro	3,53 km² (353 ha) Urbanice
Loĝantaro	65 (2024)
Denseco	18,41 loĝ./km²
Unua skribmencio	1383
Horzono	MET (UTC+1)
- somera tempo	MET (UTC+2)
Poŝtkodo	535 01
NUTS 3	CZ053
NUTS 4	CZ0532
NUTS 5	CZ0532 575917
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Urbanice (okres Pardubice)
Retpaĝo: www.urbanice-pce.wcw.cz
Portalo pri Ĉeĥio

La najbaraj municipoj de la setlejo estas Sovolusky, Turkovice, Holotín, Choltice kaj Lipoltice.

Historio

Nomo de la vilaĝo Urbanice devenas el persona nomo Urban, eble de origina posedanto. Fine de la 14-a jarcento havis la vilaĝo tri bienojn, ĉe kiuj estis pli malfrue konstruita fortikaĵeto sur loko de nuna n-ro 1. Oni kultivis ĉefe papavon, beton, kanabon, legomojn, en pli varmaj regionoj ankaŭ lupolon kaj vinberujon. En fruktoĝardenoj kreskis ĉefe pirujoj kaj pomujoj de multaj specoj, ĉerizujoj, juglandoj kaj prunujoj. Jam tiam estis uzata greftado. El cerealoj oni plej multe kultivis sekalon kaj avenon, tritikon kaj hordeon multe malpli.

Terkulturistoj tiam rikoltis proksimume nur kvaroble pli ol ili prisemadis. Tio signifas, ke minimume kvaronon el la rikolto ili devis konservi por venontjara semado. Trionon de la rikolto terkulturistoj devis doni al sia feŭdulo kiel doton por prunteprenitaj kampoj.

El tio sekvis, ke servutulo povis esti ĉiam ajn el la tero elpelita. Ĝuste en la 14-a jarcento oni komencis praktiki tiel nomatan elaĉetrajton. La servutulo povis pagi ian sumon kaj akiri heredan rajton al pruntado de la kampoj, kompreneble kontraŭ pruntopagoj. La dotoj al superularo estis ankaŭ laboraj. Sed servuta laboro en la 14-a jarcento ne superis 18 tagojn jare.

El komenco de historio de Urbanice estas nur koncizaj notoj. En la jaro 1411 transdonis ĉeĥa reĝo Venceslao la 4-a Urbanice al siaj kuirmajstroj Petr kaj Jesin. Tion kontraŭis Mikuláš el Urbanice.

En la jaro 1467 donis reĝo Georgo el Poděbrady vilaĝon Urbanice al Slavata el Chlum. Sed tio ne estis por Urbanice feliĉa ago, ĉar Slavata en Urbanice ne loĝis kaj de tiam la fortikaĵeto malprosperis.

En la jaro 1541 transiris posedo de Urbanice al Jiří Gerstorf el Gerstorf, en la jaro 1568 al senjorejo Svojšice kaj kun ĝi al senjorejo Choltice.

Pejzaĝo ĉirkaŭ Urbanice ŝanĝiĝis en 1950-aj jaroj. Pro intenzigo kaj kolektivigo de agrikultura produktado estis la grundoj drenitaj, malaperis herbejoj, fruktoĝardenoj, digetoj, akvofontoj, rearanĝitaj estis kampvojoj. En la vilaĝo estis en 1970-aj jaroj konstruita asfaltita strato, kanalizo por pluvakvo, akvokondukilo kaj gasokondukilo.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	197
1880	204
1890	200
1900	184
1910	175
1921	168

Jaro	Loĝantoj
1930	157
1950	147
1961	126
1970	110
1980	105
1991	75

Jaro	Loĝantoj
2001	67
2014	72
2016	66
2017	66
2018	66
2019	66

Jaro	Loĝantoj
2020	64
2021	63
2022	63
2023	66
2024	65

Literaturo

• Marek Podhorský: Pardubický kraj. Eldonis freytag & berndt, eldonejo en Prago en 2004.

Vidu ankaŭ

• Listo de municipoj en Ĉeĥio kun la plej malalta nombro de loĝantoj

Pluaj fotoj

• 
  Urbanice
• 
  Urbanice

Eksteraj ligiloj

• Paĝoj de mikroregiono Submontaro de Železné hory ĉeĥe