From Wikipedia, the free encyclopedia
La Unua amasa transporto al koncentrejo Aŭŝvico estis transporto de malliberuloj el punejo en Tarnów, kiu la 14-an de junio 1940 estis direktita de germanaj okupantoj al ĵus malfermita koncentrejo Auschwitz /Aŭŝvico.
.png)
Malliberuloj alveturigitaj de Tarnów ne estis la unuaj setligitoj en la koncentrejo — antaŭ ili alvenis germanaj krimuloj el KL Sachsenhausen, kiujn en la nombro 30 oni direktis al Aŭŝvico en majo 1940, por ke ili plenumu tie la rolon de funkciaj enprizonigitoj. La Tarnova transporto estis tamen la unua kun amasa karaktero. En ĝi estis 728 viroj, el kiuj la decidan plimulton formis polaj politikaj malliberuloj. La Duan Mondmiliton travivis 137 malliberuloj el la unua transporto.
De la unuaj tagoj de la milito germanoj okazigis amasajn arestojn sur la okupataj polaj teritorioj. Surbaze de pli frue pretigitaj listoj oni arestis reprezentantojn de la pola intelektularo kun klerikoj, personojn "malamike rilatantajn al germanoj", kaj ankaŭ judojn. Rezulte, jam post kelkaj monatoj de la invado en Pollandon la antaŭmilitaj malliberejoj kaj arestejoj — precipe en Supra Silezio, Zagłębie Dąbrowskie kaj Ĝenerala Gubernio — estis preskaŭ tute plenigitaj. En tia situacio en la oficejo de Supera Komandanto de SS kaj Polico en Vroclavo oni lanĉis projekton de la nova koncentrejo, destinita unuafoje al poloj (decembro 1939). Oni proponis, ke la koncentrejo estu establita sur la tereno de antaŭmilita pola artileria kazerno en Oświęcim (du monatojn pli frue la urbo estis aneksita de la Nazia Germanio kaj enkorpigita en la konsiston de t.n. silezia provinco).
Kun la unua transporto venis ankaŭ negranda grupo de polaj judoj kiuj malsukcesis trairi al formiĝanta pola armeo en Francio - veturante tra Krakovo ili ekvidis stacidomon dekoritan per flagoj kaj svastikoj kaj ekaŭdis pri okupado de Parizo, kaj surloke eksciis, ke ili venis ne al sanatorio, sed al la koncentrejo, de kie oni foriras pere de kamentubo, ke judoj vivos ne pli longe ol du semajnojn, pastroj unu monaton, kaj la resto - tri monatojn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
