Traĥeo

Traĥeo^[1] aŭ trakeo^[2] estas spirtubo ĉe pulmaj vertebruloj, kondukanta la aeron de la faringo al la pulmoj, dividata ĉe la malsupra parto en du bronkojn.

Kolorigita montraĵo de traĥeo.

Ĝin rigidigas C-formaj kartilagaj ringoj; inter la finoj de la C-formo troviĝas glatmuskoloj. La mukozo konsistas el plurvica cilindra vila epitelio kaj glandaj ĉeloj.

Traĥeo estas ankaŭ spirtubo ĉe surteraj artikuloj. Ĝi evoluas per enpenetro de la ektodermo. Ĝi dividiĝas plurfoje en la korpo kaj kondukas aeron direkte al la organoj, preskaŭ al la ĉeloj.

Vidu ankaŭ

• traĥeo (planto)
• traĥeito (inflamo de la traĥeo)
• traĥeuloj (subklado de artikuloj spirantaj per traĥeoj kaj plejparte vivantaj surtere aŭ en la aero: araneoidoj, miriapodoj, insekto...)
• pratraĥeuloj (klaso de primitivaj traĥeuloj, montrantaj similecon kun anelidoj (Onychophora))

Referencoj

1. UNIVERSALA VORTARO DE LA LINGVO INTERNACIA ESPERANTO
2. trakeo vortaro.net

• Kategorio Traĥeo en la Vikimedia Komunejo (Multrimedaj datumoj)