Tenesia Ŝtata Universitato
universitato en Tenesio, Usono From Wikipedia, the free encyclopedia
universitato en Tenesio, Usono From Wikipedia, the free encyclopedia
Tenesia Ŝtata Universitato aŭ Ŝtata Universitato de Tenesio (angle Tennessee State University, foje ankaŭ Tennessee State, Tenn State aŭ akronime TSU) estas publika universitato situanta en Naŝvilo, Tenesio. Fondita en 1912, ĝi estas la nura historie nigrula universitato en Tenesio [1]. Tennessee State University ofertas 41 bakalaŭrojn, 23 magistrojn, kaj ok doktorecon [2][3].
La universitato estis nomita la Tenesia Agrikultura kaj Industria Universitato por Nigruloj en 1912. Ĝi malfermiĝis la 16-an de januaro 1913 [4].
En 1941, la Tenesia Plenkunsido direktis la Estraron de Eduko ĝisdatigi la instruan programon de la kolegio. Tri jaroj poste, la unuaj magistroj estis aljuĝitaj kaj en 1946 la kolegio estis plene akreditita fare de la Suda Unuiĝo de Kolegioj kaj Lernejoj [5].
Signifa vastiĝo okazis dum la prezidanteco de Walter S. Davis inter 1943 kaj 1968, inkluzive de la konstruado de "70 procentoj de la instalaĵoj de la lernejo" kaj la establado de la diplomiĝintfakultato kaj kvar aliaj [6]. En 1968, la kolegio ŝanĝiĝis al sia nuna nomo [7].
Nuntempe, la universitato estas dividita en ok altlernejojn kaj spertis konstantan kreskon ekde ĝia komenco. Ĝi restas la nura publika universitato en Naŝvilo, kaj ĝia sanscienco-programo estas la plej granda en la ŝtato kaj unu el la plej grandaj en la lando [8][9][10].