![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c4/Taubergiessen_fg2.jpg/640px-Taubergiessen_fg2.jpg&w=640&q=50)
Taubergießen
From Wikipedia, the free encyclopedia
Taubergießen - prononco pli-malpli [TaŭbaGIsn], foje ankaŭ alemane respektive svisgermane literumata Taubergiessen - estas apudrivera herbejaro tuj oriente de la nun kanaligita riverego Rejno en la regiono Supra Rejno, la suda porcio el la germania parto de la Rejno. Ĝi estas parto de la origina rivera vojo, kiu post la kanaligo restas sen grandaj ŝipoj kaj en ekologie relative origina stato. Fakte la ekologie protektita natura parko estas nur la centra parto de grandega ĉerivera arbaro, kiu en tempo de alta akvonivelo estas inundata, kaj krome gastigas la tipajn plantojn kaj bestojn de ĉeriveraj arbaroj, aparte akvobirdojn kiel anasoj kaj cignoj, kaj aldone iujn dumtage pasantajn homojn, kiuj komforte en tradiciaj lignaj boatoj estas navigataj tra la malsekejoj, aŭ sporte en propramane alportitaj kanuoj kaj kajakoj malkovras ilin. Krome vasta reto da vojetoj ankaŭ ebligas al migrantoj kaj biciklantoj voji tra ĝi. La areo en 1979 iĝis ekologie protektata, kaj estas inter la plej grandaj tiaj areoj en la federacia lando Baden-Virtembergo en la sudokcidento de Germanio: ĝi sume kovras areon de 1 682 hektaroj, de nordo al sudo havas maksimuman amplekson de 12 kilometroj kaj de okcidento al oriento maksimume 2,5 kilometrojn. La senpera proksimeco al la nuna kanaligita vojo de la Rejno, kiu tie konsistigas la limon inter Germanio kaj Francio, signifas ankaŭ senperan najbarecon al la francia regiono Alzaco: krom la germaniaj urboj Lahr norde, Rust oriente kaj Herbolzheim sude, la plej proksima loĝloko ĉe la alzaca rejna bordo estas Rhinau.
Taubergießen | ||
---|---|---|
Naturschutzgebiet Taubergießen (naturprotekta areo Taubergießen) | ||
![]() | ||
Naturschutzgebiet [+] | ||
Lando | Germanio | |
Federacia lando | Baden-Virtembergo | |
Distriktoj | Ortenau, Emmendingen | |
Historia regiono | Badeno | |
Najbaras kun | Alzaco | |
Regiono | Supra Rejno | |
Urboj | Herbolzheim, Rust, Lahr | |
Rivero | Rejno | |
Koordinatoj | 48° 15′ 19″ N, 7° 41′ 27″ O (mapo)48.25537.69083 [+] | |
Akvokolektejo | 16,97 km² (1 697 ha) [+] | |
Areo | 16,97 km² (1 697 ha) [+] | |
Estiĝo | 1979 | |
Horzono | CET (UTC+1) | |
- somera tempo | CEST (UTC+2) | |
![]() |
||
Taubergießen | ||
![]() |
||
La germanlingva nomo „Taubergießen“ konsistas el la vorto Gießen, kiu signas subterajn partojn de rivera vojo, kiuj havas rektan kontakton al la grundakvo kaj nur en pli profundaj valaj partoj surfaciĝas, kaj "taub" ("surda", "senviva"), kiu en la lingvaĵo de germanaj riveraj fiŝistoj estas adjektivo por akvovojoj kun malmultaj mineraloj kaj malmultaj fiŝoj.