Tago de Sankta Georgo
kristana festotago From Wikipedia, the free encyclopedia
Tago de Sankta Georgo estas festotago en multaj landoj, inter ili Anglio, Kartvelio, Bulgario, Portugalio, Aragono, Katalunio kaj en Gora (plimulte islama regiono de Kosovo). Plej ofte la festo okazas la 23-an de aprilo, tradicie konata kiel la mortotago de Sankta Georgo, en la jaro 303.
Katalune ĝi nomiĝas Diada de Sant Jordi. La tago estas dediĉita al enamiĝintoj kaj tradicie oni donacas al la partnero rozon kaj libron. Tiu ĉi tago estas ankaŭ depostula por la katalunaj lingvo kaj kulturo.
En ĉiuj urboj de la lando troviĝas budoj disvendantaj rozojn kaj librojn, tamen, en la ĉefa aleo de la malnova barcelona urbocentro nomita 'La Rambla' la evento montriĝas plej grande etosa; centoj da budoj staras laŭlonge de la strato. Kutime verkistoj mem deĵoras en kelkaj budoj kaj subskribas la librojn de ili verkitajn. La disvendado de rozoj fariĝas ege profita afero. Krom eldonejoj kaj librovendejoj, starigas plurajn budojn laŭlonge de la promenejo, politikaj partioj; humanitaraj organizoj; sindikatoj; kolektivoj; societoj kaj asocioj. Radioj kaj televidoj elsendas rekte el tiu strato kaj pluraj ĵurnalistoj trairas la aleon. Festa etoso kovras la urbon kaj la landon. Lernejoj okazigas kultur-tagojn, bibliotekoj okazigas kulturajn aranĝojn kaj koncertoj muzikigas la viglan etoson de la kultura tago.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
