Provinco Breŝo

La provinco Breŝo (itale provincia di Brescia) estas provinco en la regiono Lombardio de norda Italio, kun pli ol unu miliono kaj cent mil loĝantoj. Ĝia ĉefurbo, Breŝo, estas la dua urbo laŭ loĝantaro en Lombardio.

Provinco Breŝo
provinco de Italio
Ŝtato	Italio
Regiono:	Lombardio
Kodo laŭ ISO 3166-2:	BS
Areo:	4 784 km²
Ĉefurbo:	Breŝo
Loĝantaro:	1 247 583 (2020)
Loĝdenso:	261 loĝ./km²
Kvanto de komunumoj:	206
Poŝtkodo:	25121-25136, 25010-25089
Kodo laŭ ISTAT:	017
Telefona prefikso:	030, 0364, 0365, 035
Retpaĝo:	Oficiala retejo
Mapo
v • d • r

Ĝi samlimas la provincon Sondrio nord-okcidente, la provincon Bergamo okcidente, la provincon Kremono sud-okcidente, la provincon Mantovo sude, la provincon Verono (en Venetio) kaj la provincon Trento (en Trentino-Supra Adiĝo/Sudtirolo) oriente.

Geografio

La provinco de Breŝo, la plej vasta en Lombardio, enhavas tri grandajn lagojn, aldone al multaj montaj lagetoj; ĝi ankaŭ enhavas tri ĉefajn valojn en ĝia norda parto, dume sude ĝi konsistas el parto de la Pada Ebenaĵo.

La provinca teritorio enhavas:

• Kvazaŭ plene la Val Camonica, laŭirata de la rivero Oglio norde de la lago de Iseo, kaj la orienta lagbordo;
• La valo Trompia, laŭirata de la rivero Mella;
• La valo Sabbia, laŭirata de la rivero Chiese kaj enhavanta la lago Idro;
• La plej granda parto de la okcidenta kaj suda bordo de la Garda lago;
• La montbaza strio inter la lagoj Garda & Iseo kaj la monteta regiono Franciacorta;
• Parto de la Pada Ebenaĵo, entenata inter la riveroj Oglio kaj Chiese.

La provinco okupas la teritorioj iam mastrita de la senjoreco de Breŝo, escepte de la urbetoj Asola, Canneto sull'Oglio kaj Lovere.

Ĉefaj urboj

Sekvas listo de la kvin urboj de la provinco kun plej da loĝantoj.

1	Breŝo (Brescia)		192 200 loĝ.
2	Desenzano del Garda	[dezencano delgarda]	25 600 loĝ.
3	Lumezzane	[lumetcane]	24 100 loĝ.
4	Montichiari	[montikjari]	20 600 loĝ.
5	Palazzolo sull'Oglio	[palatcolo suloljo]	18 500 loĝ.

Vidindaĵoj

• Petroglifoj de Valcamonica

Bildaro

• Kategorio Provinco Breŝo en la Vikimedia Komunejo (Multrimedaj datumoj)

• 
  Panoramo de Breŝo ekde la urba kastelo
• 
  La laghaveno en Desenzano del Garda
• 
  Kastelo Bonoris en Montichiari
• 
  La Turo de la Popolo en Palazzolo sull'Oglio

Regionoj kaj provincoj de Italio     → Provincoj de Lombardio
BG Bergamo - BS Breŝo - CO Como - CR Kremono - LC Lecco - LO Lodi MN Mantovo - MI Milano - MB Monza kaj Brianza - PV Pavia - SO Sondrio - VA Varese