From Wikipedia, the free encyclopedia
Poluso de neatingebleco difinas por ĉiu kontinento lokon, kiu estas la plej malfacile atingebla pro sia geografia izoliteco. Tiu esprimo estas nur geografia koncepto, kaj ne fizika aŭ scienca fenomeno. Ĝi precipe rilatis al la vojaĝoj de esploristoj.
La norda poluso de neatingebleco (84° 03′ N 174° 51′ U (mapo)) situas sur la bankizo de la Arkta Oceano, 661 km el la norda poluso kaj 1 453 km el Barrow (Alasko). La plej proksima tero estas 1094 km for (Insulo Ellesmere kaj Lando de Francisko Jozefo).
La suda poluso de neatingebleco estas loko sur la antarkta kontinento plej malproksima el la Suda Oceano: oni proponis diversajn koordinatojn por tiu loko. Oni hodiaŭ kutime difinas tiun poluson je la koordinatoj 82° 06′ S 54° 58′ O (mapo), kie staras rusa esplorstacio.
La poluso de neatingebleco en la Pacifika Oceano situas sur 48° 52′ 31.75″ S 123° 23′ 33.07″ U (mapo). Ĝi estas loko en la oceano, kiu plej malproksimas de ajna marbordo. La plej proksimaj teroj estas insulo Ducie (parto de Pitkarna insularo), insulo Motu Nui (apud Paskinsulo) kaj insulo Maher (apud Lando de Marie Byrd).
Eŭrazia poluso de neatingebleco 46° 17′ 0″ N 86° 40′ 0″ O (mapo) estas loko sur la tero, plej malproksima de ĉiuj oceanoj. Ĝi troviĝas en Ŝinĝango, aŭtonoma regiono de Ĉina Popola Respubliko, ĉirkaŭ 320 km for de la urbo Urumĉio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.