Němčice (distrikto Svitavy)
From Wikipedia, the free encyclopedia
Municipo Němčice situas en Ĉeĥio, regiono Pardubice, distrikto Svitavy, 4 km norde de urbo Litomyšl, en valo de rivereto kun bela nomo "Zlatý pásek" (Ora zono) inter Litomyšl kaj Česká Třebová. Vivas ĉi tie 1 038 loĝantoj (2024).
 |
Por aliaj signifoj, bv. rigardi la apartigilan paĝon: Němčice |
| Němčice | |||
| municipo | |||
 Municipa ofico | |||
|
|||
| Oficiala nomo: Němčice | |||
| Ŝtato |  Ĉeĥio | ||
|---|---|---|---|
| Regiono | Regiono Pardubice | ||
| Distrikto | Distrikto Svitavy | ||
| Administra municipo | Litomyšl | ||
| Historia regiono | Moravio | ||
| Montaro | Svitava montetaro | ||
| Rivero | Zlatý pásek | ||
| Situo | Němčice | ||
| - alteco | 385 m s. m. | ||
| - koordinatoj | 49° 53′ 30″ N 16° 20′ 44″ O (mapo) | ||
| Areo | 13,17 km² (1 317 ha) | ||
| Loĝantaro | 1 038 (2024) | ||
| Denseco | 78,82 loĝ./km² | ||
| Fondo | 1210 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 561 18 | ||
| NUTS 3 | CZ053 | ||
| NUTS 4 | CZ0533 | ||
| NUTS 5 | CZ0533 580694 | ||
| Katastraj teritorioj | 2 | ||
| Partoj de municipo | 4 | ||
| Bazaj setlejunuoj | 2 | ||
  Situo enkadre de Ĉeĥio
| |||
 Vikimedia Komunejo: Němčice (Svitavy District) | |||
| Retpaĝo: www.antee.cz/nemciceuo/ | |||
 Portalo pri Ĉeĥio | |||
La najbaraj municipoj de la setlejo estas Sloupnice, Přívrat, Vlčkov, Česká Třebová kaj Litomyšl.
La unuaj dokumentoj pri koloniigo de tiuj ĉi lokaĵoj estas datitaj antaŭ la jaro 1200. Tiam ĉi tie staris fortikaĵeto kaj korto de sinjoroj el Člupek. De tiam estas atestita ankaŭ ekzisto de muelejo. La vilaĝo Zhoř, pli frue nomata Schoř ekestis en la 13-a jarcento kaj ĝia nomo devenas el ĉeha vorto tchoř (putoro). Antaŭ la fino de 15-a jarcento en Člupek vivis rabista kavaliro Mikuláš Člupecký. Nomo de la vilaĝo Němčice estas verŝajne derivita de germanaj loĝantoj nomataj Němčíci (germanetoj). Sed verŝajne neniam en tiu ĉi vilaĝo superis la germana loĝantaro.
Riĉa kultura vivo en Němčice komenciĝis en la jaro 1868 per fondo de amatora teatra societo. Ĝi estas nomita laŭ sia fondinto, instruisto Šlégl kaj ekzistas en Němčice ankoraŭ nun. En la jaro 1885 estis en Němčice fondita fajrobrigada trupo kaj en la jaro 1920 ĉeĥa gimnasta organizo Sokol. La lernejo ekzistas en Němčice de la jaro 1750.
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|---|
| 1869 | 1 505 |
| 1880 | 1 530 |
| 1890 | 1 516 |
| 1900 | 1 481 |
| 1910 | 1 437 |
| 1921 | 1 420 |
| Jaro | Loĝantoj |
|---|---|
| 1930 | 1 340 |
| 1950 | 1 085 |
| 1961 | 1 128 |
| 1970 | 999 |
| 1980 | 990 |
| 1991 | 899 |
| Jaro | Loĝantoj |
|---|---|
| 2001 | 892 |
| 2014 | 961 |
| 2016 | 959 |
| 2017 | 996 |
| 2018 | 999 |
| 2019 | 1 009 |
| Jaro | Loĝantoj |
|---|---|
| 2020 | 1 022 |
| 2021 | 1 010 |
| 2022 | 1 013 |
| 2023 | 1 046 |
| 2024 | 1 038 |
La municipo konsistas el kvar partoj situantaj sur du katastraj teritorioj (k. t.):
- k. t. Němčice u České Třebové – partoj Němčice, Člupek kaj Pudilka
- k. t. Zhoř u České Třebové – parto Zhoř
Komunumo Němčice havas tri kapeletojn, konstruitaj en la dua duono de 19-a jarcento. En Němčice estas kapelo konsekrita al Sankta Johano Baptisto, en Člupek al Sankta Anna kaj en Zhoř al Sankta Magdalena.
La komunumo estas fama per multaj muelejoj. Sistemo de ok estintaj muelejoj sur la rivereto Zlatý pásek estas unika. Du muelejoj staras en Člupek, kvin en Němčice kaj ankoraŭ unu en la domaro Podrybník. Laŭlonge de la rivereto tiriĝas interligitaj kanaloj al unuopaj muelejoj.
Sur rando de la vilaĝo estas aparte interesa ĉarpentita ĉevalŝanĝeja gastejo kun mansarda tegmento kovrita per ŝindoj. En centro de la vilaĝo estas antikva gastejo kun teatra salonego kaj en Člupek estas gastejo kun estinta kinejo.
Sub la kapeleto en Člupek estas fontejo kun trinkakvo kaj de vilaĝeto Pudilka al loko nomata Kačenky (Anasetoj) oni iras laŭlonge de rivereto kun multaj fontejoj. Ĉi tie homoj el proksima vilaĝo Vlčkov okazigas ĉiuprintempe solenaĵon nomatan "Malfermado de fontejoj". En Kačenky estas pitoreska modela sistemo de mueletoj, kiuj movigas diversajn statuetojn.
Domaro Podrybník situas sub digo de estinta fiŝlago, kiu iam atingis ĝis la supre menciita ĉarpentita gastejo.
En Němčice naskiĝis pentristo Antonín Dvořák kaj historiisto, verkisto kaj tradukisto František Špáta, ekzekutita de nazioj. Nuntempe vivas en Člupek elstara ĉeĥa skulptistino Vítězslava Morávková, kiu parton de sia artverkaro prezentas rekte en la ĝardeno de sia familia domo.
Alveturejo al restoracio
Preĝejeto
Domo n-ro 37 – eksa gastejo
Interesa vojmontrilo
- Oficialaj paĝoj de la vilaĝo ĉeĥe
- Oficiala paĝaro de mikroregiono Litomyšlsko ĉeĥe Arkivigite je 2010-11-16 per la retarkivo Wayback Machine
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
