Navasfrías

Navasfrías estas municipo de la provinco Salamanko, en la aŭtonoma komunumo Kastilio-Leono, Hispanio. Ĝi apartenas al la Jurisdikcia teritorio de Ciudad Rodrigo kaj al la Municiparo Alto Águeda. Navasfrías estas tradukebla al Malvarmaj Altebenaĵetoj.

Sonorilmuro (videblas en la blazono).

Placo.

Navasfrías
municipo en Hispanio vd
Flago	Blazono
Administrado
Poŝtkodo	37542
En TTT	Oficiala retejo [+]
Demografio
Loĝantaro	370  (2023) [+]
Loĝdenso	6 loĝ./km²
Geografio
Geografia situo	40° 18′ N, 6° 49′ U (mapo)40.296388888889-6.82 [+]
Alto	886 m [+]
Areo	59,69 km² (5 969 ha) [+]
Horzono	UTC+01:00 [+]
Navasfrías (Provinco Salamanko) DEC Situo de Navasfrías
Navasfrías (Hispanio) DEC Situo de Navasfrías
Alia projekto
Vikimedia Komunejo Navasfrías [+]
v • d • r

Ĝia municipa teritorio estas formata de unusola loĝloko, okupas totalan areon de 59,96 km² kaj laŭ la demografia informo de la municipa censo fare de la INE en 2017, ĝi havis 469 loĝantojn. Ĝi perdis preskaŭ 1 500 loĝantojn dum la dua duono de la 20-a jarcento pro la migrado el ruraj zonoj al urboj.

Navasfrías estas en la sudokcidenta pinto de la provinco, ĝuste ĉe la landlimo kun Portugalio, je 136 km de Salamanko, provinca ĉefurbo. Limas kun Eljas kaj Valverde del Fresno (provinco Cáceres) sude kaj kun freguesías Aldeia do Bispo kaj Lajeosa (Portugalio) okcidente.

Estas restaĵoj de la Prahistorio, sed la setlejo mem fondiĝis en la 12-a jarcento. En postaj jarcentoj suferis pro militoj kun najbara Portugalio kaj dum la Hispana Milito de Sendependigo.

La tradiciaj agrikulturo kaj brutobredado lastatempe iom dekadencis.

La urbestro lastatempe estas de dekstra partio PP.

Vidu ankaŭ

• Municipoj de la provinco Salamanko

PeEnEo: 752646 BNE: XX5662397