Nagykovácsi

Nagykovácsi [nadjkovAĉi], germane Kowatsch [kovatŝ] estas grandvilaĝo en Hungario, en regiono Meza Hungario, en departemento Pest, en Distrikto Budakeszi. La loknomo signifas: granda-forĝista. Dum la mezepoko reĝaj forĝistoj loĝis tie.

Nagykovácsi
vilaĝo en Hungario vd
Flago	Blazono
Administrado
Poŝtkodo	2094
En TTT	Oficiala retejo [+]
Demografio
Loĝantaro	8 789  (2023) [+]
Loĝdenso	318 loĝ./km²
Geografio
Geografia situo	47° 35′ N, 18° 53′ O (mapo)47.5818.88 [+]
Alto	139 m [+]
Areo	27,67 km² (2 767 ha) [+]
Horzono	Mezeŭropa tempo [+]
Nagykovácsi (Hungario) DEC Situo de Nagykovácsi
Alia projekto
Vikimedia Komunejo Nagykovácsi [+]
v • d • r

Bazaj informoj

• Areo: 14 km²
• Loĝantaro: 4840
• Poŝtkodo: 2094
• Telefonprefikso: 26

Geografio

Nagykovácsi situas sur ebenaĵo kaj sur mildaj deklivoj havanta unusolan sakovojon el Budapeŝto. En la grandvilaĝo la budapeŝta loka aŭtobuso trafikas. La komunumo estas ĉirkaŭita de montoj, arbaroj.

Kirko en Nagykovácsi

Historio

Oni trovis restaĵojn el la neolitiko, el la ferepoko, de la romianoj. La vilaĝo senhomiĝis dum la turka erao. Poste alvenis ŝvaboj. En 1946 la ŝvaboj estis forpelitaj al Germanio, dume alvenis forpelitaj hungaroj el Ĉeĥoslovakio. En 1956 okazis granda batalo. Post fino de la revolucio hungaroj rifuĝis tien, ĉar la loko (precipe la kastelo) estis defendebla. La Ruĝa Armeo atakis la vilaĝon ankaŭ per flugmaŝinoj. Fine la hungaroj trarompis la sieĝoringon kaj grandparte ili atingis Aŭstrion.

Vidindaĵoj estas Kastelo de Nagykovácsi kaj romkatolika Preĝejo de Ĉieliro de Maria (Nagykovácsi). Nuntempe la grandvilaĝo dikiĝas, ĉar oni aĉetas parcelojn sur la deklivoj.