Misilo estas speco de raketo kaj pafaĵo mempropulsata, kiu povas esti gvidata ĝis sia celo dum la tuto aŭ parto de sia vojo. Ekzistas tre diversaj grandoj, ekde la kontraŭ-tankaj misiloj, kiuj povas esti lanĉitaj far nur unu persono, ĝis la grandegaj interkontinentaj balistikaj misiloj.
Oni povas klasigi misilojn, laŭ distancatingivo, je tri tipoj:
- Balistikaj misiloj
- Krozmisiloj
- Gvidataj misiloj
Alia klasigo estas laŭ tipo de ekpafejo kaj celo:
- Aer-aeraj misiloj
- Aer-teraj misiloj
- Kontraŭ-balistikaj misiloj
- Kontraŭ-satelitaj misiloj
- Kontraŭ-ŝipaj misiloj
- Kontraŭ-tankaj misiloj
- Ter-aeraj misiloj
- Ter-teraj misiloj
Misiloj grave influas la povon de la nuklea armilaro, ĉar ilia potenco difinas la distancon ĝis kiu povas esti liverataj la nukleaj bomboj. Misiloj estas multe pli rapidaj ol antaŭe uzataj aviadiloj.
(Ĉi parto deflankiĝas de la ĉefa temo de la artikolo) Tial timo antaŭ progreso de la nuklearmila programo de Nord-Koreio dum longa tempo mildiĝis danke al manko de misiloj kapablaj liveri nordkoreajn nukleajn bombojn je mezaj kaj longaj distancoj. Tamen ankaŭ tiukampe la nordkoreaj militistoj atingas ĉiam pli grandajn sukcesojn. La 2-an de oktobro 2019 Nord-Koreio testis balistikan misilon faritan por lanĉo el submarŝipo. La sudkoreaj militistoj supozis, ke temas pri la Bukkeukseong-tipo lanĉebla el submarŝipo. La lanĉo okazis en la maro apud la marborda urbo Vonsano en la provinco Kangŭon. Seulo asertas ke la misilo flugis ĉirkaŭ 450 kilometrojn, sed atingis altecon de 910 kilometroj, kio signifas ke ĝi estis lanĉita laŭ alta trajektorio kaj ke ĝia flugdistanco povus esti multe pli longa. Se ĝi flugus laŭ ordinara trajektorio kun la sama ŝarĝo, la plej longa flugdistanco de la misilo estus ĉirkaŭ 1900 kilometroj, do temas pri la mezdistanca (1000 ĝis 3500km) misilo.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
