muzeo en Francio From Wikipedia, the free encyclopedia
La Malgranda Palaco (france Petit Palais) estas arta muzeo en la 8-a arondismento de Parizo, Francio.
| Petit Palais | ||||||
|---|---|---|---|---|---|---|
| Petit Palais | ||||||
 | ||||||
| muzea konstruaĵo spektaklejo arta muzeo  | ||||||
| Lando | Francio | |||||
| Regiono | Francilio | |||||
| Situo | 8-a arondismento de Parizo | |||||
| Urbo | Parizo | |||||
| Adreso | Avenue Winston-Churchill 8-a arondismento | |||||
| Situanta sur | avenue Winston-Churchill | |||||
| Posedanto | municipality of Paris vd | |||||
| Konstrustilo(j) | belarta arkitekturo vd | |||||
| Arkitekto(j) | Charles Girault • François Hennebique vd | |||||
| Estiĝo | 1902 | |||||
| Malfermo | 1900 | |||||
| Koordinatoj | 48° 51′ 58″ N, 2° 18′ 52″ O (mapo)48.866112.31444 | |||||
| ||||||
 Petit Palais | ||||||
| Kolektoj | Belartoj de la antikva epoko ĝis la fino de la 19-a jarcento | |||||
| Jaraj vizitantoj: | 517 624 (2021) | |||||
| Retpaĝo | www.petitpalais.paris.fr | |||||
Ĝi estis konstruita por la Universala Ekspozicio de Parizo (1900), ĝi nun gastigas la Belartan Muzeon de urbo Parizo (Musée des beaux-arts de la ville de Paris). Lokita apud Avenuo de la Elizeaj Kampoj, ĝi frontas unu el la flankoj de la Granda Palaco, ankaŭ konstruita por la ekspozicio de 1900.
La Malgranda Palaco estas unu el la 14 muzeoj de urbo Parizo, kiu estis enkorpigita ekde la 1-a de januaro 2013 en la publikan korporacion "Paris Musées" (Parizo Muzeoj).
La Malgranda Palaco de Novklasika stilo estis dezajnita de arĥitekto Charles Girault, kaj estas ĉirkaŭita de duon-cirkla korto kaj ĝardeno, simile al la Granda Palaco. Ĝiaj kolonoj de Ionika ordo, granda porĉo, kaj kupolo eĥoas tiujn de la Invalidoj trans la Sejno. La timpano reprezentanta urbon Parizo ĉirkaŭitan de muzoj estas verko de skulptisto Jean Antoine Injalbert.
La Malgranda Palaco servis kiel modelo por aliaj publikaj konstruaĵoj, interalie por la Reĝa Muzeo por Centra Afriko lokita en Tervuren, Belgio; kaj la Nacia Belarta Muzeo en Santiago de Ĉilio, Ĉilio.
La ekspozicioj estas dividitaj en sekciojn: la Kolekto Dutuit de Mezepokaj kaj Renesancaj pentraĵoj, desegnoj kaj artaĵoj; la Kolekto Tuck de 18-jarcentaj mebloj kaj la kolekto de pentraĵoj de urbo Parizo. La muzeo ekspozicias pentraĵojn de pentristoj kiaj Rembrandt, Rubens, Nicolas Poussin, Claude Lorrain, Fragonard, Hubert Robert, Greuze kaj rimarkindan kolekton de 19-jarcentaj pentraĵoj kaj skulptaĵoj: Ingres, Géricault, Delacroix, Courbet, Monet, Sisley, Pissarro, Cézanne, Modigliani, Carpeaux, Maillol, Rodin ktp. Estas ankaŭ relative malgranda sed grava kolekto de malnovgreka kaj romia arto.
_1.jpg)
En tiu ĉi artikolo estas uzita traduko de teksto el la artikolo Petit Palais en la angla Vikipedio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
