Luková

Municipo Luková situas en Ĉeĥio, regiono Pardubice, distrikto Ústí nad Orlicí, 4 km sude de urbo Lanškroun en milde ondiĝinta pejzaĝo apud Lukovský potok. Sur okcidenta flanko Luková ligas al vilaĝo Damníkov. Vivas ĉi tie 755 loĝantoj (2024).

Por aliaj signifoj, bv. rigardi la apartigilan paĝon: Luková (apartigilo)

Luková
germane Lukau
municipo
Preĝejo de sankta Margareta en Luková
Flago Blazono
Oficiala nomo: Luková
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Lanškroun
Historiaj regionoj	Bohemio, Sudeta ĵupo
Montaro	Suborlica montetaro
Fervojstacio	Luková u Rudoltic v Čechách
- fervojlinio	n-ro 270
Rivero	Lukovský potok
Situo	Luková
- alteco	370 m s. m.
- koordinatoj	49° 52′ 16″ N 16° 35′ 44″ O (mapo)
Areo	14,59 km² (1 459 ha)
Loĝantaro	755 (2024)
Denseco	51,75 loĝ./km²
Unua skribmencio	1304
Horzono	MET (UTC+1)
- somera tempo	MET (UTC+2)
Poŝtkodo	561 23
NUTS 3	CZ053
NUTS 4	CZ0534
NUTS 5	CZ0534 580635
Katastraj teritorioj	2
Partoj de municipo	2
Bazaj setlejunuoj	2
Situo enkadre de Ĉeĥio Situo enkadre de Ĉeĥio
Vikimedia Komunejo: Luková
Retpaĝo: www.lukova.estranky.cz
Portalo pri Ĉeĥio

La najbaraj municipoj de la setlejo estas Rudoltice, Damníkov, Lanškroun, Trpík, Žichlínek kaj Rychnov na Moravě.

Historio

La unuaj skribaj mencioj pri Luková kaj pri Květná, kiu origine nomiĝis Kozinoha (Kapra gambo), datiĝas en la jaro 1304 en akto de la reĝo Venceslao la 2-a, per kiu li donacis la tutan regionon de Lanškroun al monaĥejo en Zbraslav. Tiam okazadis la unua ondo de germana koloniigo kaj Luková estis daŭre germanigita. En tempo de la dua mondmilito estis ambaŭ vilaĝoj almembrigitaj al t.n. Sudetoj kaj Germanio.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 120
1880	1 137
1890	1 138
1900	1 135
1910	1 189
1921	1 073

Jaro	Loĝantoj
1930	1 065
1950	664
1961	764
1970	749
1980	719
1991	690

Jaro	Loĝantoj
2001	691
2014	738
2016	726
2017	746
2018	740
2019	735

Jaro	Loĝantoj
2020	742
2021	735
2022	761
2023	765
2024	755

Partoj de municipo

• Luková
• Květná

Memorindaĵoj

Preĝejo

En tombejo apud ŝoseo al Lanškroun troviĝas preĝejo de Sankta Margareta, novgotika el la jaro 1885, sur loko, kie staris la origina ligna preĝejo, rememorata en la jaro 1677.

La ekipaĵo estas el la 19-a jarcento kaj pli nova. Sur la ĉefaltaro estas bildo de Sankta Margareta el la jaro 1884 de pentristo Neugebauer en valora akanta kadro. Sur dekstra flanka altaro estas bildo de la sama pentristo el la jaro 1885. Sur ĥoreja parapeto troviĝas statuoj de Sankta Venceslao kaj de Sankta Jozefo el la unua duono de 18-a jarcento.

Kapelo

En alligita vilaĝo Květná troviĝas sur milda monteto kapelo de Sankta Laŭrenco. Ĝi estis konstruita en la jaro 1863, ununava sur kvadrata plano, volbita per plataĵo sur zonoj.

La ĉefaltaro estas el la duono de 19-a jarcento kun bildo de Sankta Laŭrenco, lignoskulptitaj kandelingoj devenas el tempo ĉirkaŭ la jaro 1830, kaj de la sama tempo estas benkoj kun lignoskulptitaj flankaĵoj.

Statuoj

• Sur vilaĝplaco estas krucifikso sur stablo ornamita per reliefoj, datita 1793,
• proksime de la preĝejo situas stablo de Sankta Johano Nepomuka sur voluta statuo ornamita per figura reliefo; ĝi estas datita 1810,
• apud la vojo al Žichlínek troviĝas statuaro de Sankta Triunuo el la jaro 1812,
• apud la kapelo en Květná estas ŝtona kruco el la jaro 1771 sur stablo ornamita per reliefo.

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.