Logic Pro
From Wikipedia, the free encyclopedia
Logic Pro estas programaro por produkti kaj prilabori sondosierojn. La programaro distingas inter du specoj de akustikaj trakoj, nome MIDI kaj Audio. Ekzistas la versioj Pro kaj Express, ĉi lasta distingiĝas de la versio Pro rilate la prezon kaj la amplekson de funkcioj.
Logic Pro | |
---|---|
Lasta stabila versio | 11.0 |
Programlingvo | C, C++, Objective-C, Swift |
Permesilo | nelibera permesilo |
Retejo | www |
La programaron evoluis ĝis versio n-o 6 la germana entrepreno Emagic, kiun jam en 2002 elaĉetis firmao Apple. Ĉi tiu haltigis tuj poste la pluevoluadon de Logic por Microsoft Windows. Ekde tiam Logic nur por Apple Macintosh riceveblas. La lasta versio disponebla por Windows estas 5.5.1. Dum kiam versio n-o 6 ankoraŭ portis la nomon Emagic, Logic estas oficiala produkto de Apple ekde versio n-o 7. Apple solidigis pli ol 20 diversajn Emagic-produktojn, i.a. ĉiujn instrumentojn kaj efekto-kromprogramojn, Waveburner Pro (CD Authoring Applikation), kaj Pro Tools TDM support package en unusolan produkton nome Logic Pro.