Landa pordego

Landa pordego (ĉeĥe: Zemská brána) estas naturrezervejo situanta en Ĉeĥio en Orlica montaro, en katastro de municipoj Klášterec nad Orlicí kaj Bartošovice v Orlických horách. La naturrezervejo troviĝas en ambaŭ bordoj de rivero Divoká Orlice, kiu fontas en Pollando proksime de ŝtatlimo al Ĉeĥio. Proksimume post 2 kilometroj ĝi alkroĉas sin al la ŝtatlimo, kiun ĝi postsekvas proksimume 25 km. En loko, kie enfluas en ĝin rivereto Ruĝa rojo (ĉeĥe Červený potok) (proksime de vilaĝo Čihák), ĝi forlasas la ŝtatlimon kaj preskaŭ perpendikle al devena direkto ĝi turniĝas al la enlando. Tiu ĉi sektoro estas proksimume 2 km longa kaj ĝi finas senpere en limo de la natur-rezervejo. La fluo de Divoká Orlice daŭrigas de tie al sudo. Ĝuste tiu ĉi sektoro portas trafan nomon Landa Pordego. Geologian fundon ĉi tie kreas migmatitoj kaj ortoruloj, kiuj atingas longecon 20 m. La plej monumenta estas tute perpendikla rokmuro, kiu en longeco de kelke da centoj da metroj tiriĝas ekde ŝtonponto el la jaro 1900 al Pašerácká louka (Kontrabandista herbejo), kie estas 8 m alta Pašerácká skála (Kontrabandista roko). La tuta teritorio estas arbarkovrita, nur escepte troviĝas malgrandaj herbejoj. La teritorio estas alirebla por turistoj.

Landa pordego
ĉeĥe: Zemská brána
Naturrezervejo
Zemská brána, Divoká Orlice
Lando	Ĉeĥio
Regiono	Regiono Pardubice
Distrikto	Distrikto Ústí nad Orlicí
Montaro	Orlica montaro
Katastro	Klášterec nad Orlicí, Bartošovice v Orlických horách
Memorindaĵo	Ŝtona ponto el la j. 1900
En ĉirkaŭaĵo	Ĉeĥoslovakaj fortikaĵoj
Rivero	Divoká Orlice
Koordinatoj	50° 08′ 08″ N 16° 34′ 20″ O (mapo)
Alteco	570–650 m
Areo	88,22 km² (8 822 ha)
Plantaro	Piceaj arbaroj, Abio, Eŭropa fago
Animalaro	Ruĝa vulpo, Ruĝa cervo, Kapreolo, Granda buntpego
Proklamita	1-a de septembro 1987
Situo enkadre de Ĉeĥio Situo enkadre de Ĉeĥio
Vikimedia Komunejo: Zemská brána

Landa pordego kaj ŝtona ponto

Vidu ankaŭ

• Orlica montaro
• Čihák

Fotogalerio

• 
  Vido el ponto de Landa pordego al Divoká Orlice
• 
  Kontrabandista ponteto
• 
  Suda rando de la natura rezervejo
• 
  Landa pordego
• 
  Landa pordego
• 
  Landa pordego