![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d7/Chauve_Noctambule.jpg/640px-Chauve_Noctambule.jpg&w=640&q=50)
La kalva kantistino
From Wikipedia, the free encyclopedia
La kalva kantistino (france originale La Cantatrice Chauve) estas teatraĵo de Eugène Ionesco el la genro de absurda teatro. La premiero sub reĝisorado de Nicolas Bataille okazis la 11-an de majo 1950 en la Théâtre des Noctambules en Parizo. Ekde la jaro 1957 la teatraĵo estas seninterrompe prezentata per la samurba Théâtre de la Huchette, kiu pro siaj prezentoj gajnis la teatran premion Molière. En siaj diversaj interpretoj la teatraĵo en Francio estas unu el la plej ofte surscenigitaj verkoj. La verkaĵo enpreniĝis en la liston de la 100 (plej signifaj) libroj de la 20-a jarcento laŭ Le Monde.
La Cantatrice chauve | |
---|---|
![]() | |
unuakta teatraĵo | |
Aŭtoroj | |
Aŭtoro | Eugène Ionesco |
Lingvoj | |
Lingvo | franca lingvo |
Eldonado | |
Ĝenro | Absurda Teatro |
Honorigoj | La 100 libroj de la 20-a jarcento laŭ Le Monde |
La ideon de la teatraĵo havis la aŭtoro, kiam li lernis la anglan lingvon laŭ la Assimil-metodo. Li estis impresita pri la enhavo de la sobraj kaj ofte strange kunmetitaj dialogoj kaj decidis verki absurdan teatraĵon kun la nomo L'anglais sans peine ("la anglan sen peno"). La fina titolo ekestis pro miseldiro de aktoro dum sceneja provo.