López
familia nomo / From Wikipedia, the free encyclopedia
López (prononco en kastilia hispana lopeθ, en plejparto de Andaluzio kaj Sudameriko Lopes) estas familia nomo de hispanlingva origino. Ĝi estis origine patronomo, kiu signifas filo de Lope, Lope mem estante hispanlingva persona nomo derivita el la latina vorto lupus, do lupo.
La familia nomo estas unua atestita en Malnova Kastilio (Castilla la Vieja) en la koro de Hispanio, kie la nomo originis en la epoko de visigotoj;[1] tamen la nomo ne estas de ĝermana deveno, sed de latina. La portugala ekvivalento estas Lopes, ĝia franca ekvivalento Loupé, la itala ekvivalento estas Lupo, kaj la rumanaj ekvivalentoj Lupu aŭ Lupescu. En la provinco Lugo, parto de la hispania aŭtonoma komunumo Galegio, López cetere estas la plej ofta familia nomo (vidu la mapon dekstre).