La specifeco de la eŭropunia organizo rilate diplomation konsistas el tio, ke la membroŝtatoj -- kiuj transdonis parton da siaj suverenaj povoj por fari Eŭropan Union -- tamen konservis sian "internacian kapablon", t.e. la kapablon mem devigi sin per eksteraj, interregnaj kontraktoj (traktatoj).
Sekve, se Eŭropa Komunumo (*) (kiu havas internacian personecon) povas devigi ilin per eksteraj kontraktoj, ili krome povas mem kontrakti.
Povas esti tri situacioj:
- Kontraktoj de la eŭropaj komunumoj: la eŭropaj komunumoj mem subskribas internaciajn kontraktojn, kiuj ligas ne nur la eŭropuniajn instituciojn sed ankaŭ la membroŝtatojn;
- Kontraktoj inter membroŝtatoj kaj eksteraj ŝtatoj;
- Kontraktoj de membroŝtatoj inter si: la membroŝtatoj kontraktas unu kun la aliaj ene de la Unio.
Ĉiuj ĉi kontraktoj entenas regulojn, kiuj povas eniĝi en la eŭropunian juron.
(*) Kontraktas ja la eŭropaj komunumoj, ne Eŭropa Unio. Ĉar la Unio ĝis nun ne havas oficialan internacian personecon; nur la eŭropaj komunumoj havas ĝin. Ĝuste la ne efektiviĝinta traktato estiganta Konstitucion por Eŭropo klare donas la internacian personecon al Eŭropa Unio.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
