Kerhartice (Ústí nad Orlicí)

Kerhartice estas parto de la urbo Ústí nad Orlicí en regiono Pardubice en Ĉeĥio. Vivas ĉi tie 888 loĝantoj (2021). La urba parto troviĝas sur okcidenta rando de la nomita urbo en valo de la rivero Tichá Orlice kaj proksime de la ĉefa fervoja stacio Ústí nad Orlicí.

Kerhartice
germane Gersdorf an der Adler
vilaĝo
Kerhartice fotitaj el la belvidejo Andrlův chlum
Oficiala nomo: Kerhartice
Lando	Ĉeĥio
Regiono	Regiono Pardubice
Distrikto	Distrikto Ústí nad Orlicí
Municipo	Ústí nad Orlicí
Historia regiono	Bohemio
Montaro	Svitava montetaro
Rivero	Tichá Orlice
Situo	Kerhartice
- koordinatoj	49° 58′ 12″ N 16° 22′ 8″ O (mapo)
Horzono	MET (UTC+1)
- somera tempo	MET (UTC+2)
Poŝtkodo
Situo enkadre de Ĉeĥio Situo enkadre de Ĉeĥio
Vikimedia Komunejo: Kerhartice (Ústí nad Orlicí)
Portalo pri Ĉeĥio

Historio

Kerhartice konsistas el Kerharice kaj Gerhartice. La unua skriba mencio pri Gerhartice devenas el la jaro 1292 en donaca dokumento de la reĝo Venceslao la 2-a al Zbraslava klostro el la 10-a de aŭgusto 1292. La unua mencio pri Kerhartice devenas el la jaro 1506 en komerca dokumento de Jan Kostka el Postupice. Unuigo de la vilaĝoj Kerhartice (vilaĝo de sinjorejo Brandýs nad Orlicí) kaj Gerhartice (vilaĝo de sinjorejo Lanšperk) okazis en la jaro 1848. Post interkonsento de civitanoj de ambaŭ vilaĝoj estis starigita oficiala nomo de unuiĝinta komunumo - Kerhartice. En la jaro 1866 estis fare de komercisto František Beneš el Ústí nad Orlicí fondita en Kerhartice fabriko por produktado de teksaĵoj (feltigejo), nuntempe UOtex, kie teksmaŝinoj estis movigataj nur per akvorado. En la jaro 1873 estis sur tiama katastrejo Kerhartice malfermita nova stacidomo. Vilaĝa administrejo petis aŭstrian fervojan estrarejon nomi ĝin Stacidomo Kerhartice, kio estis malaprobita. En la jaro 1925 decidis la plej alta landa juĝejo pri delimito de la menciita stacio el katastrejo Kerhartice kaj ligo de ĝi al katastrejo Ústí nad Orlicí.

En la jaro 1907 estis en objekto de gastejo malfermita poŝtoficejo. Super la vilaĝo ni trovos kapelon el la jaro 1911, kiu estis konsekrita nur en la jaro 1912. El la jaro 1921 devenas loka memoriga monumento. Loka gimnastejo t.n. Sokolejo estis konstruita en la jaro 1924. En ĝi estis unu jaron poste malfermita kinejo jam kun unika sonmekanismo. Pro tiu ĉiu raraĵo vizitis ĝin spektantoj eĉ el vasta ĉirkaŭo. En la jaro 1942 estis Kerhartice fare de germanaj oficejoj unuafoje integritaj kun la urbo Ústí nad Orlicí. En majo 1945 Kerhartice ree memstariĝis, kio daŭris ĝi la jaro 1948, kiam ĝi estis ree kontraŭvole unuiĝita kun Ústí nad Orlicí. Proksime de la poŝto en Kerhartice en la jaro 1963 falis malgranda meteorito. Ĝia pezo estis 1260 gramoj kaj ĝiaj mezuroj estis 121 x 90 x 74 mm. Feliĉe neniun ĝi trafis, nur en la tero faris kavon 40 cm profundan. Pli poste ĝi estis transportita en Nacian muzeon en Prago.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	381
1880	397
1890	564
1900	870
1910	1 156
1921	1 161

Jaro	Loĝantoj
1930	1 368
1950	1 124
1961	1 294
1970	1 222
1980	1 042
1991	903

Jaro	Loĝantoj
2001	970
2011	921
2021	888

Proksima interesa loko

Super la vilaĝo montiĝas Andrle monteto kun belvideja turo kaj hotelo Hvězda (Stelo).

En Kerhartice oni delonge rakontas, ke sur maldekstra deklivo, en direkto al Hrádek estis fortikigita setlejo, kie onidire vivis fondinto de la vilaĝo Gerhartice - Gerhard. Oni povas diri, ke ĝi de du flankoj estas ne alirebla, sed de du flankoj oni povas veni al ĝi. La setlejo verŝajne devenas el tempoj de familiaro Slavníkovec, kiu povis ĉi tie posedi deklivojn de Kerhartikce direkte al vilaĝo Řetůvka.

Interesaĵoj

• En ĉi tiea lernejo instruis dum jaroj 1907 - 1912 Augustin Weiss, favoranto de aviado. Li en la jaro 1908 komencis konstrui lignan glisplanon en salonego de la gastejo ĉe Kutinoj. La laborojn finis post unu jaro kaj faris provflugon. Sed tiu ne sukcesis pro troa pezo de piloto. Duan tagon sidis en aviadilon unu el la lernantoj de la loka lernejo. Tiu pro sia kulpo kraŝis en veprejon kaj tegaĵoj de la aviadilo estis disŝiritaj. La aviadilo estis riparita kaj pretigita por flugo en aviada soleno en Ústí nad Orlicí. Tie ĝi estis en la aeron tirita per ŝnurego, sed post momento ĝi kraŝis, estis detruita kaj jam ne riparita.

En tiu ĉi artikolo estas uzita traduko de teksto el la artikolo Kerhartice (Ústí nad Orlicí) en la ĉeĥa Vikipedio.