Baroka kastelo en Pilis From Wikipedia, the free encyclopedia
La kastelo de Pilis (konata ankaŭ pri la iamaj posedantoj Kastelo de Beleznay–Nyáry) estas baroka historia monumento en Hungario, en urbo Pilis.
En tiu loko la familio Beleznay konstruis barokan imponan kastelon en la unua duono de la 18-a jarcento. Menciindas 2 gastoj: Maria Tereza de Aŭstrio (samtempe hungara reĝo) kaj József Kármán. En nekonata jaro la familio Nyáry [njAri] aĉetis ĝin. En 1944 la kastelo estis armea hospitalo de la Ruĝa Armeo. Iom poste Hungario ŝtatigis la konstruaĵon, poste ĝi estis fraŭlina internulejo, pli poste edukejo, nuntempe bazlernejo kun internato.
La unuetaĝa kastelo situas sola en granda parko. La konstruaĵo formas U-majusklon. Inter la teretaĝaj aloj meze situas la unuetaĝa ĉefparto. Ĉe renkontiĝo de la aloj kaj ĉefparto po unu kvadrataj turoj altiĝas. La turpintoj estas bulbofomaj. La aloj kun la ĉefparto limas internan korton. Iam en la dekstra alo loĝis la servistoj, en la maldekstra alo estis la staloj, nuntempe tie estas la kuirejo kun manĝejo kaj administrejo.
Krom la menciita kastelo estas ankaŭ 3 artefaritaj lagoj. El ili en du meze estas insuletoj. En la parko estas ankaŭ domo (kvazaŭ maŭzoleo), kie kuŝis la iamaj kastelposedantoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
