Kadenco (muziko)
From Wikipedia, the free encyclopedia
From Wikipedia, the free encyclopedia
En okcidenta muzikteorio, kadenco (latine: cadentia, "falo") estas certa sinsekvo de intervaloj (cezuro) aŭ akordoj, kiuj finas frazon, sekcion, aŭ pecon de muziko. Kadencoj donas al frazoj klaran finon, kiu povas, ekzemple, indiki al la aŭskultanto, ĉu la peco daŭros aŭ konkludiĝos. Oni povas fari analogion al interpunkcio, laŭ kiu iaj malpli fortaj kadencoj agas kiel komoj, indikante paŭzon aŭ momentan silenton, dum pli forta kadenco tiam agas kiel la punkto, indikante la finon de la muzika frazo. Kadencoj estas nomataj "malfortaj" aŭ "fortaj" laŭ tio, kiel fina estas la sento de ili kreata, kaj la perfekta kadenco plenfina estas la plej forta speco.
En muziko de la komunpraktika periodo, estas kvar ĉefaj specoj de kadenco: plenfinaj, plagalaj, dominantaj, kaj interrompitaj. Ĉiu el tiuj specoj povas esti plu distingita kiel perfekta aŭ neperfekta. Ĉiu kadenco povas esti priskribita per la romicifera sistemo de nomado de triadoj (vidu akordo):
Ni notu, ke tiuj ĉi akordaj sinsekvoj ne nepre konsistigas kadencon — devas esti sento de fermiĝo, kiel je la fino de frazo. Kadencoj en frua muziko, ekzemple, estas malsamaj kaj pli diversaj, estante bazitaj sur diadoj.
"Malpermesitaj" sinsekvoj povas esti rekonsideritaj kiel permesitaj sinsekvoj. Ekzemple, I-V-IV-I, kiu estas malpermesita pro la movo V-IV, povas esti konsiderata kiel duobligita kadenco plagala: I-IV/V-V-IV-I.
Edward Lowinsky konsideris la kadencon la "lulilo de tonaleco". (Judd, 1998)
Klozulo estas kadenco diada aŭ intervala, kaj ne akorda aŭ harmonia. Ĝi postulas almenaŭ du voĉojn en kontraŭa movo. Laŭ Carl DAHLHAUS (1990), "ankoraŭ en la 13-a jarcento la duonduton oni spertis kiel ĝenan intervalon ne facile kompreneblan, kiel la neracian restaĵon inter la perfekta kvarto kaj la dutono [4/3 / (9/8)2 = 256/243!]." En melodia duonduto, nenia "inklino estis perceptata de la malsupra tono al la supra, aŭ de la supra al la malsupra. La dua tono ne estis rigardata kiel la 'celo' de la unua. Anstataŭe, la duonduto estis evitata en klozuloj ĉar al ĝi mankis klareco kiel intervalo." En la 13-a jarcento kadencoj ekpostulis movon en unu voĉo per duonduto kaj en la alia per plenduto en kontraŭa movo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.