internacia federacio de 51 regionaj, naciaj kaj multnaciaj asocioj kaj institucioj tra la tuta mondo kiuj studas veksilologion From Wikipedia, the free encyclopedia
La Internacia federacio de flagosciencaj asocioj aŭ Internacia federacio de veksilologiaj asocioj (origine france Fédération internationale des associations vexillologiques, mallongigo FIAV) estas internacia federacio de 51 regionaj, naciaj kaj multnaciaj asocioj kaj institucioj tra la tuta mondo kiuj studas veksilologion (flagosciencon). Sian celon FIAV difinas en sia konstitucio kiel "la kreado kaj evoluo de sciaro pri flagoj de ĉiuj tipoj, iliaj formoj kaj funkcioj, kaj de sciencaj teorioj kaj principoj bazitaj sur tiu scio."
Internacia federacio de flagosciencaj asocioj | ||
---|---|---|
Fédération internationale des associations vexillologiques | ||
![]() | ||
![]() | ||
vexillological society (en) ![]() ombrelorganizaĵo ![]() | ||
Komenco | septembro 1969 | |
Sidejo | Houston, Teksaso, Usono kaj Londono, Britio | |
Tipo | tegmenta internacia asocio por veksilologio (flagoscienco) | |
Agareo | ||
Fondinto(j) | Whitney Smith vd | |
Lingvoj |
franca, angla, germana, hispana | |
Retejo | Oficiala retejo | |
La studo de flagoj, aŭ veksilologio, estis formaligita fare de Whitney Smith en 1957. Li tiam moviĝis por organizi diversajn flagorganizojn kaj renkontiĝojn inkluzive de la unua Internacia Kongreso de Veksilologio en 1965 kaj kunkreis la Internacian federacion de flagosciencaj asocio.
La FIAV estis provizore organizita la 3-an de septembro 1967, ĉe la Dua Internacia Kongreso de Veksilologio tenita en Rüschlikon, Svislando, kaj oficiale kreita la 7-an de septembro 1969, ĉe la Tria Internacia Kongreso de Veksilologio tenita en Boston, Masaĉuseco, Usono.
FIAV havas tripersonan estraron konsistantan el prezidanto, ĝenerala sekretario kaj ĝenerala sekretario por Kongresoj. La estraro administras la aktualajn aferojn de la federacio kaj kunvokas la dujarajn sesiojn de la ĝenerala asembleo, kiuj okazas dum ĉiu Internacia Kongreso de Veksilologio. La ĝenerala asembleo estas kunmetita de delegito de ĉiuj membroj de la federacio. La ĝenerala asembleo elektas la estraron kaj respondecas pri fiksado de politiko de la federacio.