Internacia Federacio de Naĝado

La Internacia Federacio de Naĝado (france Fédération Internationale de Natation, angle World Aquatics, antaŭ konata akronime FINA) estas la internacia rega instanco pri naĝado, agnoskita de la Internacia Olimpika Komitato por la Superrigardo de Internaciaj Akvaj Sportaj Konkursoj. Ĝi estas unu el la internaciaj federacioj, kiu rajtas kontroli sporton de la Olimpika Komitato aŭ la internacia komunumo. La asocio fondiĝis en 1908. Ĝia sidejo troviĝas en Laŭzano, Svislando.^[1]

Internacia Federacio de Naĝado
Fédération Internationale de Natation FINA
internacia sporta federacio akvosporto swimming association (en)
Komenco	1908
Geografia situo	CH1903: 538904 / 152033 (mapo)46.51686.6425
Sidejo	Laŭzano   Svislando
Fédération Internationale de Natation FINA (Kantono Vaŭdo) DEC
Internacia Federacio de Naĝado
Tipo	sporto (naĝado)
Moto	United by water • Water is our world
Estr(ar)o	Julio César Maglione
Retejo	www.fina.org
Twitter	@fina1908
v • d • r

La federacio nuntempe kontrolas ses akvajn sportojn: naĝado, akvosaltado aŭ plonĝado, akvopilkado, arta aŭ sinkrona naĝado, malfermakva naĝado kaj ekde 2013 aldone ankaŭ alta akvosaltado (kun falado de 27 metroj ĉe viroj kaj de 20 metroj ĉe inoj).

La pinta internacia evento de la federacio estas la Monda ĉampionado pri akvosporto, kiu ideale okazu ĉiujn du jarojn, en la neparaj jaroj.

Historio

La Federacio estis fondita la 19an de julio 1908 ĉe la Hotelo Manchester en Londono, Britio fine de la Londonaj Olimpikoj fare de la belgaj, britaj, danaj, francaj, germanaj, hungaraj, finnaj kaj svedaj naĝfederacioj.

Nombro de landaj naĝfederacioj jare:

• 1908: 8
• 1928: 38
• 1958: 75
• 1978: 106
• 1988: 109
• 2000: 174
• 2008: 197
• 2016: 207

Referencoj

1. Fédération Internationale de Natation (angle). The International Olympic Comittee. Alirita 9-a de marto 2014.

Eksteraj ligiloj

• Kategorio Internacia Federacio de Naĝado en la Vikimedia Komunejo (Multrimedaj datumoj)

• Oficiala retejo