Samar, aŭ Samaro esperante, estas insulo de la Bisajoj, en centraj Filipinoj. La insulo estas dividata en tri provincoj: nome Samara provinco, Norda Samaro, kaj Orienta Samaro. Tiuj tri provincoj, kun la provincoj de la apudaj insuloj de Lejteo kaj Bilirano estas parto de la regiono de Orientaj Bisajoj. Ĝi estas la tria plej granda insulo de Filipinoj post Luzono kaj Mindanao.
![]() | Ĉi tiu artikolo temas pri insulo. Por samnoma provinco rigardu la paĝon Samara provinco (Filipinoj). Koncerne aliajn signifojn aliru la apartigilojn Samaro (apartigilo) kaj Samara. |
Samaro | ||
---|---|---|
![]() Marabut, Samaro | ||
insulo | ||
Akvejo | Pacifika oceano | |
Insularo | Filipinoj | |
Geografia situo | 12° 3′ N, 125° 7′ O (mapo)12.05125.11666666667 | |
| ||
Areo | 13 080 km² | |
Loĝantaro | 1 080 000 83 loĝ./km² | |
Samaro estas la plej orienta insulo en la Bisajoj. Tiu insulo estas separata el Lejteo pere de la Markolo San Juanico, kiu je sia plej mallarĝa punkto estas nur ĉirkaŭ du kilometroj larĝa. Tiu markolo estas trapasata de la Ponto San Juanico. Samaro kuŝas sudoriente de la Bikola Duoninsulo en Luzono, la plej granda insulo en la lando; la Markolo San Bernardino separas ambaŭ. Sude de Samaro estas la Lejtea Golfo, la loko de la Batalo de la Lejtea Golfo, unu el plej decidaj ŝiparmeaj bataloj dum la Dua Mondmilito. La golfo malfermiĝas al la Filipina Maro, troviĝanta oriente de Samaro kaj parto de la Pacifika Oceano.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.