Godvino (angle, Godwin, n. ĉirkaŭ 1001, m. la 15-an de aprilo 1053) estis grafo de Wessex kaj inter la plej potencaj anglaj nobeloj de sia epoko.
| Godvino | ||
|---|---|---|
| grafo de Wessex | ||
| Persona informo | ||
| Godwine | ||
| Naskiĝo | ĉirkaŭ 1001 en Graflando Sussex | |
| Morto | 15-an de aprilo 1053 en Winchester | |
| Mortis per | Apopleksio  vd | |
| Tombo | Katedralo de Winchester vd | |
| Ŝtataneco | Reĝlando Anglio vd | |
| Familio | ||
| Dinastio | House of Godwin vd | |
| Patro | Wulfnoth Cild (en)  vd | |
| Edz(in)o | Thyra Sveinsdóttir, Gytha Thorkelsdóttir | |
| Infanoj | Edith of Wessex (en) (  Gytha Thorkelsdóttir (en) )Wulfnoth Godwinson (en) ( Gytha Thorkelsdóttir (en) )Alfgar (?) (en) ( Gytha Thorkelsdóttir (en) )Edgiva (?) (en) ( Gytha Thorkelsdóttir (en) )Ælfgifu (en) ( Gytha Thorkelsdóttir (en) )Leofwine Godwinson (en) ( Gytha Thorkelsdóttir (en) )Tostig Godwinson ( Gytha Thorkelsdóttir (en) )Gyrth Godwinson (en) ( Gytha Thorkelsdóttir (en) )Sweyn Godwinson ( Gytha Thorkelsdóttir (en) )Harold la 2-a ( Gytha Thorkelsdóttir (en) )Gunhilda (?) (en) ( Gytha Thorkelsdóttir (en) ) vd | |
| Profesio | ||
| Okupo | ŝtatreprezentanto vd | |
| vd | Fonto: Vikidatumoj | |
Lia patro estis verŝajne Wulfnoth Cild, anglosaksa nobelo kiu loĝis en Sussex kaj eble devenis de Ethelred, reĝo de Wessex kaj pli aĝa frato de Alfredo la Granda. Wulfnoth estis ekzilita kaj senigata de siaj bienoj pro piratado kaj mortis en 1014.
Godwin forte subtenis Edmundon Ironside, sed, post ties malvenko kaj morto, promesis sian lojalecon al la venkinta Kanuto la 1-a. Li amikiĝis al la bofrato de Kanuto, iĝis konsilanto de Kanuto, kaj helpis lin subpremi ribelon en Danio. Ne post 1018 li estis angla grafo, kaj ĉirkaŭ 1019, grafo de Wessex.
Eble en 1022 Godvino edziĝis al Thyra Sveinsdóttir, fratino de Kanuto, kiu baldaŭ mortis senide. Godvino estis nun la plej potenca grafo de Anglio. Post la morto de sia unua edzino, li edziĝis al Gytha Thorkelsdóttir, kiu devenis de sveda reĝa familio.
La 12-an de novembro 1035 Kanuto mortis. Harold Harefoot (filo de Kanuto kaj Aelfgifu de Northampton) iĝis reĝo de Anglio, kaj Hardakanuto (filo de Kanuto kaj Emma de Normandio), reĝo de Danio. Ŝajnas ke Alfredo Aetheling, filo de Emma de Normandio kaj Ethelred la Malpreta, pretendis la anglan tronon sed Godvino aŭ kaptis lin aŭ ŝajnigis esti lia aliancano kaj transdonis lin al Harold Harefoot. Alfredo estis blindigata kaj post malmulte da tempo mortis ĉe Ely.
En 1040 Harold Harefoot mortis kaj Godvino subtenis Hardakanuton.
Kiam Hardakanuto ankaŭ mortis en 1042, Godvino transdonis sian lojalecon al Eduardo la Konfesanto. En 1045 lia filino Edita edziĝis al la reĝo. Malkontenta ĉar Eduardo havis tiom da normandaj konsilistoj, Godvino iĝis la ĉefa kontraŭulo de la reĝo.
Ĉe Dovero okazis tumulto, kun batalado inter la urbanoj kaj Eŭstako la 2-a, grafo de Boulogne, parenco de Eduardo. Godvino rifuzis puni la urbanojn. Leofric de Mercia kaj Siward de Northumbria subtenis la koleran reĝon, kiu ekzilis Godvinon en septembro 1051. La sekvantan jaron Godvino invadis Anglion kaj igis Eduardon forsendi siajn normandajn konsilistojn kaj restaŭri lian graflandon. La 15-an de aprilo 1053 Godvino subite mortis dum bankedo kaj lia filo Haroldo heredis la graflandon.
Godvino kaj lia dua edzino Gytha Thorkelsdóttir havis dek gefilojn:
- Haroldo la 2-a (ĉ.1022-1066)
- Sweyn Godwinson, grafo de Herefordshire (ĉ.1023-1052)
- Tostig Godwinson, grafo de Northumbria (ĉ.1026-1066)
- Edita, edzino de Eduardo la Konfesanto (ĉ.1030-la 19-an de decembro 1075)
- Gyrth Godwinson (ĉ.1030-la 14-an de oktobro 1066). Li mortis dum la batalo de Hastings.
- Gunhilda, kiu iĝis monaĥino (ĉ.1035-1080)
- Aelfgifu (n. ĉ.1035)
- Leofwine Godwinson, grafo de Kent (ĉ.1035-la 14-an de oktobro 1066). Li mortis dum la batalo de Hastings.
- Wulfnoth Godwinson (ĉ.1040-1094)
- Marigard (1033-1083)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
