Gimnospermoj

La gimnospermoj^[3] (Gymnospermae), aŭ pinofitoj^[4], aŭ nudsemplantoj (la termino Gymnospermae elvenas el la grekaj gimno, nuda, kaj spermo, semo), estas aro de semplantoj. Male al florplantoj kies ovoloj estas en ujo, iliaj ovoloj estas nudaj, sen ovolujo.

Pliaj informoj Kiel legi la taksonomionNudsemplantoj, Biologia klasado ...

Kiel legi la taksonomion

Nudsemplantoj

Troveblo de fosilioj: Malfrua Ĵurasio - Nun

Folioj de Picea glauca

Biologia klasado

Regno:	Plantoj Plantae
Subregno:	- Embriofitoj Embryophyta - Trakeofitoj Tracheophyta
Superdivizio:	Semplantoj Spermatophyta Sinnott, 1935^[1] kaj Thomas Cavalier-Smith, 1998^[2] - Gimnospermoj Gymnospermae - Angiospermoj Magnoliophyta

Aliaj Vikimediaj projektoj

Sistematiko en Vikispecioj

Komunejo pri Nudsemplantoj

v • d • r

Fermi

Historio

Estus Teofrasto (ĉ. 374 ant. JK – ĉ.286 ant. JK) kiu unue distingis la nudsemplantojn kaj la florplantojn. John Ray uzas, fine de la 17a jarcento, tiun malsamecon en sia klasigo, kiu estas unu el la unuaj provoj de natura klasigo.

Priskribo

Estas nune ĉirkaŭ 800 ĝis 1 000 specioj, en 75-80 genroj kaj 14 familioj, sed ili estis ĝis 20 000 specioj. Nun estas ĉefe pinofitoj, kiuj havas 7 familiojn. Ili estas ĉiuj lignaj plantoj, tio estas arboj aŭ arbetoj, kun normala kambiumo. La reproduktigaj organoj estas kuniĝaj en strobilo, ĉiam unuseksa. La uloj povas havi kaj virseksajn kaj inseksajn strobilojn (specio monoika), aŭ nur unu sekson (specio dioika). La polenado estas perventa. La folioj estas plejofte ĉiamverdaj, longaj kaj maldikaj. Kelkfoje tamen, ili falas ĉiujare (ekzemple ĉe lariko).