Fabo kiel planto estas unujara herbo, specio de vicio (Vicia faba), nomdonanto de la planta familio fabacoj. Ĝi havas pli ol 1 m altan, staran, kavan, angulecan tigon, grandajn pinatajn foliojn, purpure makulitajn blankajn florojn kaj larĝajn guŝojn, kiuj enhavas grandajn platajn grajnojn de medoleca konsisto, kiujn oni manĝas kiel legomon. Iuj varioj estas uzataj kiel furaĝo.
 | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 buntfloranta fabo | ||||||||||||||||||
| Biologia klasado | ||||||||||||||||||
| ||||||||||||||||||
| Vicia faba L. | ||||||||||||||||||
Aliaj Vikimediaj projektoj | ||||||||||||||||||
Fabo estas ankaŭ la grajnoj de faba planto, sed oni nomas ankaŭ la similaspektajn grajnojn fabo, precipe tiujn de fazeolo.
Subspecioj estas i.a. :
- Vicia faba subsp. faba var. equina Pers. - Kampofabo
- Vicia faba subsp. faba var. minor Peterm.
- Vicia faba subsp. faba var. faba (sinonimo: Vicia faba var. major Harz.)
Legu ankaŭ la artikolojn kafofabo, kakaofabo, sojfabo, tonka fabo kaj kampofabo.
La fabismo estas malsano, karakterizita per hemoliza iktero kun anemio kaj hemoglobinurio, per febro kaj digestaj perturboj. Ĝin kaŭzas substanco, entenata en la floro de fabo, se tiun englutas aŭ enspiras iuj predispoziciaj individuoj.
La interno de faboguŝo estas uzata kontraŭ verukoj. Se oni frotas ĝin plurfoje sur veruko tiu malaperus baldaŭ laŭ iuj.
La nutra valoro de 100 g freŝaj faboj estas:
| Energia valoro | 163 kĴ |
| Karbonhidrato | 4 g |
| Proteino | 5 g |
| Graso | 0,3 g |
| Vitamino C | 80 mg |
| Karoteno | 0,16 mg |
| Vitamino B1 | 0,10 mg |
| Vitamino B2 | 0,15 mg |
| Kalcio | 20 mg |
| Fero | 1 mg |
Vidu ankaŭ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
