Brezado
From Wikipedia, the free encyclopedia
From Wikipedia, the free encyclopedia
Vidu ankaŭ la artikolon pri Březí.
Brezado aŭ ekrosta stufado estas metodo kuiri manĝaĵojn, kombinanta rostadon, boladon kaj stufadon. Oni uzas brezadon precipe pri viando kun longaj fibroj aŭ multe da kunliga histo (konektivo), kiu per rostado iĝus malmola aŭ tendeneca. Same kiel rostado ĝi brunigas la kuiraĵon por krei specifajn aromojn, sed male al rostado ĝi ne sekigas la kuiraĵon.
Por brezi kuiraĵon oni dum tre mallonga tempo ekrostas ĝin per iomete da graso kaj tiam finas la rostadon per aldono de iom da likvaĵo. Post tio oni dum longa tempo, ĉe viando eĉ dum pluraj horoj, finpretigas la kuiraĵon per milda varmo en fermita ujo, eble en bakujo. La efiko estas plej bona, se la temperaturo restas inter 80 kaj 100 °C. Tio sufiĉas por transformi kunligan histon al gelateno.
La likvaĵo uzata por brezado laŭeble estu ne pura akvo, sed enhavu spicaĵojn, vinon kaj/aŭ legomojn, kiuj donas al la kuiraĵo pli fortan aromon.
Legomojn aŭ fungojn oni brezas dum malpli longa tempo ol viandon, alie ili disfalus.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.