From Wikipedia, the free encyclopedia
Clementinum - latine, ĉeĥe literumata Klementinum - estas iama jezuita kolegio, la plej malnova en Prago. Starigis ĝin la jezuitoj tuj post sia establiĝo en Prago (1558) kaj ĝia konstruado daŭris ĝis la 18-a jarcento. Clementinum estas grandega komplekso da konstruaĵoj starantaj surloke de iamaj 32 domoj, detruitaj por gajni spacon por ĝi. Ĝi entenas la estintan monaĥejon, du ĝardenojn kaj tri preĝejojn. En la parto tuŝanta la Kruckavaliran placon (Křížovnické náměstí - 14) troviĝas la preĝejo de la Savinto (kostel svatého Salvátora), fondita en 1578, kies konstruado daŭris tra la 17-a kaj la unua duono de la 18-a jarcentoj. Al ĝia sacerdotejo alpremiĝas la Itala kapelo en Karola strato (1590-1600), kun subtila barokstila portiko desegnita de F. M. Kaňka (1715). En senpera apudeco de la Itala kapelo staras la tria preĝejo, tiu de Sankta Klemento, baroka, konstruita en 1711-15. La plej malnova parto de la monaĥejo devenas de la duono de la 17-a jarcento; verŝajne ĝi estis konstruata laŭ planoj de D. Orsi. La monumenta fasado rigardas al la strato "Křížovnická". El la interno speciale notinda estas la Spegula kapelo el la unua duono de l' 18-a jarcento, kie oni ofte aranĝas koncertojn de baroka muziko. Nuntempe en Clementinum estas deponitaj kvar el la plej grandaj bibliotekoj de Praha: la Universitata, la Nacia, la Slava kaj la Teknika. La konstituaĵojn adaptis por tiu ĉi uzo arkitekto L. Machoň en 1928-30.
| Clementinum | |||||
|---|---|---|---|---|---|
| Klementinum | |||||
 | |||||
konstruaĵa komplekso  | |||||
| Bazaj datoj | |||||
| Konstrustilo | baroka arkitekturo vd | ||||
| Arkitekto | Johann Lucas von Hildebrandt • Kilian Ignaz Dientzenhofer • František Maxmilián Kaňka • Giovanni Domenico Orsi • Carlo Lurago vd | ||||
| Estiĝo | 1781 | ||||
| Lando | Ĉeĥio vd | ||||
| Situo | Malnova Urbo | ||||
| Adreso | Platnéřská 190/10 | ||||
| Situanta sur | Platnéřská • Seminářská • Strato de Karolo • Křižovnická • Mariánské náměstí • Placo de la Krucanoj | ||||
| Situo | |||||
| Geografia situo | 50° 5′ 12″ N, 14° 24′ 59″ O (mapo)50.08666666666714.416388888889 | ||||
| |||||
 Clementinum | |||||
| Posedata de | Nacia Biblioteko de la Ĉeĥa Respubliko vd | ||||
| |||||
| Retejo | https://www.klementinum.com/en/ | ||||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
