From Wikipedia, the free encyclopedia
La regiono Chianti [ˈkjanti], aŭ itale plennome Colline del Chianti, "montetoj de Chianti", en Esperanto Kiantio, estas tradicia vinkultiva regiono, kiu ampleksas proksimume trionon de la suma areo de la politika regiono Toskanio kaj en kiu jam ekde multaj jarcentoj produktatas konata vino nomata laŭ la regiono.
Chianti | ||
---|---|---|
geografia regiono | ||
regiono, vinregiono [+] | ||
Lando | Italio | |
Supermara alteco | 755 m s.l.m. [+] | |
- koordinatoj | 43° 36′ 0″ N, 10° 57′ 0″ O (mapo)43.610.95 [+] | |
Chianti | ||
Vikimedia Komunejo: Chianti [+] | ||
La suma regiono Chianti etendiĝas de la urbo Pizo nordokcidente ĝis la urbo Montalcino en la sudoriento. Ĝi oficiale – aparte rilate al la vinkultivado – estas partigita en naŭ subregionojn:
La subregiono Chianti Classico, kie produktiĝas la vino rajtigita porti la nomon "klasika Chianti-vino", estas limigita norde de la antaŭurboj de Florenco, oriente de la Chianti-montoj, sude de Siena kaj okcidente de la valoj de la riveroj Pesa kaj Elsa. 70 kilometrojn longa "vina strato", la Via Chiantigiana, "Kiantia Vojo", ŝtata ŝoseo 222) ligas la du grandajn urbojn kaj gvidas tra impresa kultura pejzaĝo. Stratorande situas multaj konataj vinkultivaj urbetoj, vicigitaj kiel perloj je ŝnuro. Nur dekono de la tre arbara teritorio (entute proksimume 70.000 hektaroj) estas uzata por vitejoj. La "klasikaj Chianti-vinoj" signiĝas per la emblemo de nigra koko (Gallo Nero) sur la botela etikedo. La konsilio pri la marko historia Chianti Classico (Consorzio del Marchio Storico Chianti Classico) gardas la obeon de aparte striktaj reguloj por kvalitaj vinoj.
La teritorio komence estis setlata de la etruskoj kaj poste de la romianoj. Ambaŭ kulturoj lasis multajn spurojn, ankaŭ rilate al la vinkultivado. Dum la mezepoko la du urboŝtatoj Florenco kaj Siena batalis pri la regado de la regiono. La nomo "Chianti" komence signis militan aliancon de la urboj Radda, Castellina kaj Gaiole. Pli poste la nomo ampleksiĝis al ĉiam pli granda regiono. Vilaĝoj kaj monaĥejoj, fortikaĵoj kaj kasteloj estis starigitaj dum tiu tempo, kaj pli poste, kiam venis pacaj tempoj, la fortikaĵoj transformiĝis al reprezentaj bienoj kaj al vilaoj. Grandkvante arbaro estis forprenita, por instali olivarbarojn kaj vitetojn. Kaj la rikoltita olivoleo kaj la vino regionaj akiris la renomon de eksterordinara kvalito, kaj portis internacian konatecon al la regiono.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.