insularo en la Hinda Oceano From Wikipedia, the free encyclopedia
| Cargados Carajos | ||
|---|---|---|
 parto de la insularo, vidata de la ISS | ||
| atolo • unua-nivela administra teritoria unuo • administra divido de Maŭricio • grupo de insuloj | ||
| Akvejo | Hinda Oceano | |
| Insularo | Maŭricio | |
| Geografia situo | 16° 35′ S, 59° 37′ O (mapo)-16.58333333333359.616666666667 | |
| ||
|
| ||
Cargados Carajos aŭ Saint Brandon estas insularo apartenanta al la insularo Maskarenoj en la Hinda Oceano oriente de Afriko kaj de Madagaskaro. Ĉiuj insuloj de la maskarena insularo apartenas al la Respubliko Maŭricio, escepte de la insulo La Réunion, kiu konsistas el franca transmara departemento (département d'outre mer aŭ DOM). La insularo Cargados Carajos troveblas 430 km nordoriente de la ĉefa insulo Maŭricio. Krom la plej granda insulo, Île Raphael, loĝata de iom pli ol 35 loĝantoj, la restaj 21 insuloj de la insularo estas sen daŭraj loĝantoj.
La insularo ricevis sian nomon Cargados Caralhos [karGAdos kaRAĝos] en 1506 fare de portugalaj navigistoj. En la mondmapo de Samuel Dunn de 1794 ĝi nur nomiĝis Cargados, kaj en anglalingva libro de 1801 pri Maŭricio fare de Charles Grant angle nomatis Cargados Carayos. Post kiam en 1810 la brita mararmeo okupis la insularon kun sia ĝis tiam franclingva loĝantaro, la nomo estis ŝanĝita al anglalingva formo Cargados Carajos Shoals, por reteni la originan portugalan prononcon [karGAdos kaRAĝos]. Kvankam oni povus supozi laŭ la ortografio ke la nomigo "Cargados Carajos" povus esti hispana, hispanoj neniam ludis rolon en la historio de la insularo. Caralho en la tiama portugala marista lingvaĵo estis la nomo de gvatnesto supre de velŝipa masto, ne havis iun obscenan signifon kiel en la nuntempa lingvo, kaj cargados caralhos aŭ en pli bona vortordo caralhos cargados simple signifis "sarĝitaj gvatnestoj". Eble tio iom troigite indikis pri velŝipoj "ŝarĝitaj per varoj preskaŭ ĝis la gvatnesto" - la interpreto ne certas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
