From Wikipedia, the free encyclopedia
Caedwalla (aŭ Caedwallon, n. ĉirkaŭ 659, m. la 20-an de aprilo 689) estis reĝo de Wessex, Anglio, de ĉirkaŭ 685 al 688, kiam li abdikis.
Caedwalla | |||||
---|---|---|---|---|---|
reĝo de Wessex | |||||
![]() Postmorta imagita ilustraĵo de Caedwalla | |||||
Sekvanto | Ine | ||||
Persona informo | |||||
Cædwalla | |||||
Naskiĝo | ĉirkaŭ 659 | ||||
Morto | 20-an de aprilo 689 en Romo | ||||
Tombo | Baziliko de Sankta Petro en Romo Romo ![]() | ||||
Familio | |||||
Dinastio | dinastio de Wessex vd | ||||
Patro | Cenberht (en) ![]() ![]() | ||||
Gefratoj | Mul of Kent (en) ![]() ![]() | ||||
Edz(in)o | Cynethryth (en) ![]() ![]() | ||||
Profesio | |||||
Okupo | monarko ![]() | ||||
| |||||
vd | Fonto: Vikidatumoj | ||||
Laŭ la anglosaksa kroniko Caedwalla estis filo de Cernberht, kiu devenis de Cerdic, la unua reĝo de Wessex.
Li pasis parton de sia frua vivo en ekzilo.
En 685 li kunigis armeon kaj invadis Sussex, kies reĝon Aethelwealh li mortigis antaŭ ol estis forpelata de Berthun kaj Andhun, du gravaj nobeloj.
Ĉirkaŭ 685 Centwine, reĝo de Wessex, abdikis kaj eniris monaĥejon, kaj Caedwalla gajnis la tronon.
Denove li invadis Sussex, mortigante Berthun, kaj poste dominis tiun regnon. Li dominis ankaŭ Surrey kaj en 686 konkeris Kent, kie li enpostenigis sian fraton Mul kiel reĝo. Kent ribelis kaj Mul estis mortbruligata: Caedwalla kolere reinvadis kaj disrabis Kent.
Kvankam Caedwalla ne baptiĝis antaŭ sia abdiko, li favoris kristanismon kaj faris donacojn al la eklezio. Sankta Wilfrid, ekzilita de Northumbria, ĉeestis la kortegon de Aethelwealh, kaj post la dua invado de Caedwalla ĝuis ties favoron. Verŝajne Caedwalla subtenis la misiadon de Wilfrid en Sussex.
Caedwalla konkeris Isle of Wight, ĵurante ke se li sukcesus li donus kvaronon de la insulo al la eklezio: li konfidis tiun kvaronon al Wilfrid. Li penis mortigi la jutojn kiuj loĝis en la insulo kaj relokigis parton de sia popolo tie. Arwald, reĝo de Isle of Wight, mortis dum batalo: liaj du fratoj fuĝis al Hampshire kie Caedwalla (kiu vundiĝis) kaptis ilin. Pastro persvadis lin permesi ke la fratoj baptiĝus antaŭ ol li ekzekutis ilin.
En 688 Caedwalla abdikis kaj pilgrimis al Romo: eble li faris tion ĉar li mortvundiĝis dum batalado en Isle of Wight. En Romo la papo baptis lin, kaj li alprenis la baptonomon Petro: post tre nelonge li mortis.
Caedwalla estis sekvata de Ine.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.