Březová (distrikto Uherské Hradiště)
From Wikipedia, the free encyclopedia
Březová estas municipo troviĝanta en Ĉeĥio, en distrikto Uherské Hradiště en regiono Zlín. Vivas ĉi tie 985 loĝantoj (2024).
 |
Por aliaj signifoj, bv. rigardi la apartigilan paĝon: Březová |
| Březová | |||
| germane Bresowa | |||
| municipo | |||
 Vido al centro de la municipo de slovaka limo | |||
|
|||
| Oficiala nomo: Březová | |||
| Ŝtato |  Ĉeĥio | ||
|---|---|---|---|
| Regiono | Regiono Zlín | ||
| Distrikto | Distrikto Uherské Hradiště | ||
| Administra municipo | Uherský Brod | ||
| Historiaj regionoj | Grandmoravia regno, Moravio | ||
| Parto de | Moravia Slovakio | ||
| Montaro | Blankaj Karpatoj | ||
| Riveroj | Zlatný potok, Hrubár | ||
| Situo | Březová | ||
| - alteco | 433 m s. m. | ||
| - koordinatoj | 48° 55′ 40″ N 17° 44′ 10″ O (mapo) | ||
| Katastro | 13,77 km² (1 377 ha) Březová u Uherského Brodu | ||
| Loĝantaro | 985 (2024) | ||
| Denseco | 71,53 loĝ./km² | ||
| Fondo | 1605 | ||
| Plej facila aliro | al Nová Bošáca Slovakio | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 687 67 | ||
| NUTS 3 | CZ072 | ||
| NUTS 4 | CZ0722 | ||
| NUTS 5 | CZ0722 592099 | ||
| Katastraj teritorioj | 1 | ||
| Partoj de municipo | 1 | ||
| Bazaj setlejunuoj | 1 | ||
  Situo enkadre de Ĉeĥio
| |||
 Vikimedia Komunejo: Březová (Uherské Hradiště District) | |||
| Retpaĝo: www.obecbrezova.cz | |||
 Portalo pri Ĉeĥio | |||
.png)
La najbaraj municipoj de la setlejo estas Lopeník, Strání, Bánov kaj Suchá Loz.
En konfirmo de margrafo Jan Jindřich el la 16-a de decembro 1351 estas menciate, ke urbo Uherský Brod aĉetis parcelojn tuŝantaj ĝis Lopeník kaj enhavantaj Volenov kun Korytná. Komune kun ambaŭ municipoj parto de la aĉetkontrakto estis ankaŭ herbejo nomata Březová, tra kiu kondukas vojo ĝis Hungara reĝlando.
Fondo de la municipo
Post neniigo de Volenov fare de Bocskai-anoj en la jaro 1605 estis konstruita vilaĝo Březová en spaco de Zlatný potok en lokoj de pli posta Dolní mlýn (Malsupra muelejo). La fondo de la municipo estis de loĝantaro de la najbara hungara municipo Bošáca akceptita kun nevolo kaj Březová estis baldaŭ post tio fare de la malkontentaj najbaroj neniigita. En la jaroj 1615 ĝis 1618 estis konstruita Nová Březová en la nuna situo en spaco Na Dřevišti. Eĉ plu ĝi estis ekspoziciita al atakoj de la najbara Hungara reĝlando – plej multe el Bošáca. En la jaro 1627 Březová ŝanĝis posedanton. Urbo Uherský Brod donis ĝin al Kounicidoj el Uherský Brod.
Sufero de la municipo kulminis en la dua duono de la 17-a jarcento kaj en la unua duono de la 18-a jarcento; en la jaro 1663 ĉi tie estis mortigitaj 4 personoj kaj la tuta Březová estis forbruligita. Pluaj atakoj sekvis en la jaro 1683 kaj dum liberecbatalo de Rákóczi 1704–1706. Tiam la municipo tute kuŝis per cindro.
Evoluo
La nova vivo venis en periodo de la 18-a jarcento. koloniiga hakado de arbaro intense daŭrigis, pro kio aldoniĝis erpgrundo, sed precipe paŝtejoj. La municipo kreskis ankaŭ pernombre, ĉar apud duonlanuloj kaj kvaronlanuloj fakte aldoniĝis dometaroj, kiuj post la jaro 1828 kreis plimulton de ekloĝintoj.
Laŭ matrikulo el Olomouc vivis en la municipo en la dua duono de la 18-a jarcento 436 plenkreskuloj kaj 83 infanoj ĉeĥe parolantaj.
En la unua duono de la 19-a jarcento la vilaĝo estis devigita sendi por korvei al grandbieno Volenov 4 duonlanulojn kun 2 ĉevaloj dum 3 tagoj en la semajno, ĉiu el la 32 kvaronlanuloj unu piediran laborforton dum du tagoj en la semajno. Pro la korveo estis devigitaj 36 servutuloj. Malfacilaĵoj de la korveo konsistis en tio, ke la servutuloj estis devigitaj elteni vojaĝon el Březová ĝis Volenov. Supero de la abrupta monteto estis tre malfacila precipe por virinoj, kiel atestas peticio de la municipo el al jaro 1848.
En la vilaĝo laboris en rojoj Hrubár kaj en Zlatný potok akvomuelejoj, el kiuj muelejo en Dolní Lázy (la devena loĝloko) laboris ĝis 1953; la ceteraj pereis dum la unua respubliko.
Březová antaŭ la unua mondmilito estis municipo de etkamparanoj kaj paŝtistoj.
Fontoj de vivtenado
La montara grundo tempe ĉesis esti sufiĉa fonto de la vivtenado por kreskanta nombro de la loĝantoj. Multaj foriris por sezonaj laboroj al bienoj en Volenov, al Beckova kortego en Považie, sed eĉ pli malproksimen ĝis Aŭstrio kaj Hungario. Pluaj fonto de enspezoj estis ĉedoma vendado de semoj. En vintraj monatoj la semetistoj komercis – viroj kaj virinoj – en Hungara reĝlando kaj en alpaj landoj. Post la jaro 1918 ili migris tra la teritorio de nove estiĝinta Ĉeĥoslovaka respubliko. Ankoraŭ en la jaro 1930 tiel ĉi vivtenis sin pli ol 60 familioj. La arbaroj en la ĉirkaŭaĵo de la municipo motivis al hejma produktado de ligna ilaro, precipe helpaj bastonoj por irado, ŝtupetaroj kaj kuleregoj. Post la Dua Mondmilito la hejma paroduktado kaj la semetumado malaperis. En bienulaj distililejoj dum la tuta tempo oni produktis prujnbrandon.
La municipo longan tempon suferis pro kunigo kun la ĉirkaŭaĵo, ŝoseo el Uherský Brod ĝis Strání tra Volenov kaj Březová estis konstruita nur en la jaro 1897 kaj al Lopeník nur en la jaro 1964, tra municipo Bošáca al Slovakio en la jaro 1967. Post marto de 1939 estis en la municipon enkondukita limgardistaro por gardi la tiaman limon inter Protektorato Bohemio kaj Moravio kaj Slovaka ŝtato. La limgardistaro enkvartiriĝis en nove konstruita ligna kazerno apud vojo direkte al Lopeník.
En la municipo restadis Leoš Janáček, etnografo Josef Klvaňa kaj kolektisto de kantoj František Bartoš. En Březová ankaŭ instruis Alois Král, malkovrinto de la kaverno de Libereco de Demänová.
- Preĝejo de sanktaj Cyrilo kaj Metodo (1870)
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|---|
| 1869 | 778 |
| 1880 | 661 |
| 1890 | 749 |
| 1900 | 850 |
| 1910 | 1 051 |
| 1921 | 1 080 |
| Jaro | Loĝantoj |
|---|---|
| 1930 | 1 068 |
| 1950 | 1 218 |
| 1961 | 1 483 |
| 1970 | 1 357 |
| 1980 | 1 238 |
| 1991 | 1 186 |
| Jaro | Loĝantoj |
|---|---|
| 2001 | 1 131 |
| 2014 | 1 012 |
| 2016 | 1 011 |
| 2017 | 1 003 |
| 2018 | 1 010 |
| 2019 | 999 |
| Jaro | Loĝantoj |
|---|---|
| 2020 | 1 003 |
| 2021 | 933 |
| 2022 | 977 |
| 2023 | 979 |
| 2024 | 985 |
Vido al la municipo el belvedero Velký Lopeník
Municipa ofico
Bazlernejo
Popola arkitekturo
Monumento dediĉita al falintoj en la Dua Mondmilito
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
