![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/88/Burhinus_grallarius_-_Daintree_Villiage.jpg/640px-Burhinus_grallarius_-_Daintree_Villiage.jpg&w=640&q=50)
Burinedoj
From Wikipedia, the free encyclopedia
La Burinedoj estas familio de birdoj de la ordo de Ĥaradrioformaj, kiu enhavas du genrojn, nome Esacus kaj Burhinus kiu donas la nomon al la familio.
![Burhinidae range.jpg](http://upload.wikimedia.org/wikipedia/commons/thumb/e/e0/Burhinidae_range.jpg/640px-Burhinidae_range.jpg)
![Thumb image](http://upload.wikimedia.org/wikipedia/commons/thumb/8/88/Burhinus_grallarius_-_Daintree_Villiage.jpg/640px-Burhinus_grallarius_-_Daintree_Villiage.jpg)
Estas grupo de tropikaj vadbirdoj kiuj troviĝas tutmonde en ĉiu kontinento. Kelkaj specioj reproduktiĝas en mezvarmaj Eŭropo kaj Aŭstralio.
Ili estas mezgrandaj aŭ grandaj vadbirdoj kun fortaj nigraj aŭ flavaj bekoj, kamufla plumaro kaj grandaj flavaj okuloj, kiuj ŝajnigas ilin reptiliecaj.
Spite klasado kiel vadbirdoj la plej granda parto de la specioj preferas sekajn aŭ mezsekajn mediojn, dezertajn aŭ stepajn. Ili estas tre noktemaj, kio konstateblas per ties laŭta kaj muzika voĉo.
Ili manĝas ĉefe insektojn kaj alijan senvertebrulojn. Plej grandaj specioj predas ankaŭ lacertojn kaj eĉ etajn mamulojn.
Multaj specioj estas loĝantaj, sed Trielo estas somera migranto en mezvarma eŭopa parto de ties teritorio kaj vintras en Afriko.